ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
பவன் கல்யாண் நடித்து வெளி வர இருக்கும் 'அஞ்ஞாதவாசி' டீசர் தெலுங்குத் திரையுலகத்தில் முதல் முறையாக யு டியூபில் பெரிய சாதனை படைத்த டீசராக முதல் இடத்தைப் பிடித்தது. அந்த டீசருக்கு 24 மணி நேரத்தில் 60 லட்சத்திற்கும் மேற்பட்ட பார்வைகளும், 4 லட்சத்திற்கும் மேற்பட்ட லைக்குகளும் கிடைத்தன. இருந்தாலும், தமிழ்ப் பட டீசரான 'மெர்சல்' சாதனையை 'அஞ்ஞாதவாசி'யால் முறியடிக்க முடியவில்லை.
தெலுங்குத் திரையுலகத்தில் பவன் கல்யாண் ரசிகர்களும், அல்லு அர்ஜுன் ரசிகர்களும் சமூக வலைத்தளங்களில் அடிக்கடி மோதிக் கொள்வார்கள். இத்தனைக்கும் பவன் கல்யாண், அல்லு அர்ஜுன் இருவரும் நெருங்கிய உறவினர்கள்தான். இருப்பினும் அவர்களது ரசிகர்களது மோதலைத் தடுக்கவே முடியாது. சில நிகழ்ச்சிகளில் பவன் கல்யாண் பெயரை அல்லு அர்ஜுன் குறிப்பிடாமல் பேசியது தான் இருவரது ரசிகர்களுக்குமான சண்டைக்குக் காரணம்.
அல்லு அர்ஜுன் நடித்து ஏப்ரல் மாதம் வெளிவர உள்ள 'நா பேரு சூர்யா, நா இல்லு இந்தியா' படத்தின் டீசர் புத்தாண்டு தினத்தை முன்னிட்டு வெளியிடப்பட்டது. ஆனாலும், அந்த டீசரால் 'அஞ்ஞாதவாசி' டீசரின் சாதனையை முறியடிக்க முடியவில்லை. 24 மணி நேரத்தில் 27 லட்சம் பார்வையை மட்டுமே கடக்க முடிந்தது. யு டியூப் மற்றும் பேஸ்புக் இரண்டும் சேர்த்து 29 மணி நேரத்தில் 1 கோடி பார்வையை இந்த டீசர் பெற்றுள்ளது.
பக்கா ஆக்ஷன் அதிரடியாக இருக்கும் 'நா பேரு சூர்யா நா இல்லு இந்தியா' டீசரை அல்லு அர்ஜுன் ரசிகர்கள் ஆரவாரத்துடன் ரசித்து வருகிறார்கள்.