ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
தான் இயக்கும் படத்துக்கு சொந்தமாக தலைப்பு யோசிக்கும் அளவுக்குக் கூட இன்றைய இயக்குநர்கள் விஷயதாரிகளாக இல்லை. எனவே ஏற்கனவே வெளியாகி வெற்றியடைந்த படங்களின் பெயர்களை தங்களின் படங்களுக்கு சூட்டும் அளவுக்கு கற்பனை வறண்டுகிடக்கிறார்கள். அதனால் தமிழ் சினிமாவில் தற்போது தலைப்புப் பிரச்சனை தலைவிரித்தாடிக் கொண்டிருக்கிறது. அதன் காரணமாகவே தற்போது வெளியாகும் பெரும்பாலான படங்களுக்கு ஏற்கெனவே வெளியான பழைய படங்களுக்கு வைக்கப்பட்ட தலைப்புகளை மீண்டும் வைக்கத் தொடங்கிவிட்டனர்.
இந்தக் கொடுமை போதாது என்று இன்னொரு கொடுமையும் நடக்கிறது. ஒரே தலைப்பை ஒரே நேரத்தில் ஒன்றுக்கு மேற்பட்டவர்கள் வைப்பதும் அதை வைத்து சண்டைபோடுவதும்தான். தமிழில் ஜி.வி.பிரகாஷ் நடிக்கும் புதிய படத்திற்கு 'புரூஸ் லீ' என பெயர் சூட்டி ஃபர்ஸ்ட் லுக் போஸ்டரையும் வெளியிட்டனர். தமிழ் புரூஸ் லீ வெளிவந்த சில நாட்களிலேயே தெலுங்கில் ராம்சரண், ராகுல் ப்ரீத் சிங், கீர்த்தி கர்பந்தா நடிக்கும் படத்திற்கும் 'புரூஸ் லீ' என பெயர் வைத்து, அதன் போஸ்டரையும் வெளியிட்டார்கள்.
ராம்சரண் நடிக்கும் தெலுங்குப்படங்களை தமிழில் டப் செய்பவர்கள் தெலுங்கு புருஸ்லீ படத்தை தமிழில் 'புரூஸ் லீ- 2' என்ற பெயரில் டப்பிங் செய்து வெளியிட உள்ளனர். இந்த இரண்டு 'புரூஸ் லீ' படங்கள் போதாதென்று மூன்றாவதாக இன்னொரு படத்துக்கும் 'புரூஸ் லீ' என பெயர் வைத்துள்ளனர். இயக்குனர் ராம் கோபால் வர்மா, கதாநாயகியை மையமாக வைத்து ஹிந்தியில் ஒரு படத்தை இயக்கி வருகிறார். இந்தப்படத்தின் பெயரும் 'புரூஸ் லீ. ராம்கோபால் வர்மாவின் படம் தெலுங்கு மற்றும் தமிழில் நிச்சயம் டப் செய்து வெளியடப்படும்.
ஒருவேளை லேடி புருஸ்லீ என பெயர் வைப்பார்களோ என்னவோ?