ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
மலையாளத் திரையுலகிலிருந்து, தமிழுக்கு வந்துள்ள புதிய வரவு, நமிதா பிரமோத். கேரளாவின் சுற்றுலா தலமான, குமரகோமில் பிறந்த நமிதா, இதுவரை, மலையாளத்தில், 16 படங்களில் நடித்து முடித்துள்ளார். புதிய தீரங்கள் படத்தில் நடித்ததன் மூலம், ஏராளமான விருதுகளை குவித்துள்ள அவர், தற்போது, நிமிர் படத்தின் மூலம், தமிழுக்கு அறிமுகமாகிறார்; அவருடன் ஒரு சந்திப்பு:
உங்களைப் பற்றி சொல்லுங்களேன்!
மலையாளத்தில் தொலைக்காட்சி தொடர்களில் நடித்து, அதன் மூலம், திரைப்படத் துறைக்கு வந்தேன். நிவின் பாலி உட்பட, மலையாளத்தில் அனைத்து முன்னணி நடிகர்களுடனும் நடித்து விட்டேன். இரண்டு மூன்று ஆண்டுகளாகவே, தமிழில் இருந்து தொடர்ந்து அழைப்பு வந்தது. ஆனால், மலையாள படங்களுக்கு கால்ஷீட் கொடுத்திருந்ததால், தமிழில் நடிக்க முடியவில்லை. இப்போது தான், அதற்கான வாய்ப்பு கிடைத்துள்ளது.
நிமிர் படம் பற்றி...
மலர் என்ற, சாதாரண குடும்பத்து பெண்ணாக நடிக்கிறேன். தைரியமான கேரக்டர். கல்லுாரி மாணவியாக வருகிறேன். மேக் அப் அதிகம் இல்லாமல் நடித்துள்ளேன்.
தமிழ் சினிமாவில் நடித்த அனுபவம்?
இயக்குனர் ப்ரியதர்ஷன் கேரளாவைச் சேர்ந்தவர். அவரது உதவி இயக்குனர்கள் பலரும், கேரளாவைச் சேர்ந்தவர்கள் தான். அதனால், நடிப்பதற்கு சுலபமாக இருந்தது. மலையாளத்துக்கும், தமிழுக்கும் பெரிய வித்தியாசம் தெரியவில்லை. ஆனாலும், தமிழில் சரளமாக பேசத் தெரியும்.
உங்கள் ஆசை என்ன?
தமிழில் அதிக படங்களில் நடிக்க வேண்டும். நல்ல கதை, கேரக்டர் கிடைக்க வேண்டும். தமிழில், எனக்கென ஒரு தனி இடத்தை பிடிக்க வேண்டுமென்ற ஆசை உள்ளது.
நடித்ததில் பிடித்தது?
டிராபிக் பட அனுபவத்தை மறக்க முடியாதது. அதுபோல், விக்ரமாதித்யன், புதிய தீரங்கள் படங்களும் எனக்கு பெயர் வாங்கி கொடுத்தன.
படிப்பு?
சோஷியாலஜி படிக்கிறேன். நடிப்பு, படிப்பு, இரண்டிலும் சமர்த்து பெண் நான். இரண்டையுமே விட்டு விடாமல் தொடர்கிறேன்.
பிடித்த நடிகை?
ஜோதிகாவை ரொம்ப பிடிக்கும். குறிப்பாக, அவங்க காட்டும் ரியாக் ஷன் எல்லாம், சான்சே இல்லை.
படத்தின் ஹீரோ உதயநிதி பற்றி?
ரொம்ப அமைதியானவர். இயக்குனர் ப்ரியதர்ஷனிடம் பயந்து பயந்து பேசுவார். மனதில் இருப்பதை வெளிப்படையாக பேசும், அவரது குணம் எனக்கு பிடிக்கும்.
ஹீரோயினுக்கு முக்கியத்துவம் உள்ள படங்களில் நடிப்பீர்களா?