ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
முதல்வராக ஜெயலலிதா பதவியேற்ற நிகழ்ச்சியில், இசையமைப்பாளர் இளையராஜா, நடிகர் ரஜினிகாந்த் உள்ளிட்ட திரையுலக பிரபலங்கள் பலர் கலந்து கொண்டார். சொத்து குவிப்பு வழக்கில் கைதாகி சிறை சென்றதால் முதல்வர் பதவியிலிருந்து விலகினார் ஜெயலலிதா. இதனையடுத்து முதல்வர் பொறுப்பை ஓ.பன்னீர் செல்வம் ஏற்றார். இந்நிலையில், சமீபத்திலிருந்து சொத்து குவிப்பு வழக்கிலிருந்து ஜெயலலிதா விடுவிக்கப்பட்டார், அதுமட்டுமின்றி அவர் மீண்டும் முதல்வராக பதவியேற்க எந்த தடையும் இல்லை என கோர்ட் தீர்ப்பளித்தது.
முதல்வராக இருந்த பன்னீர் செல்வம் நேற்று தனது பதவியை ராஜினமா செய்தார். ஜெயலலிதாவை முதல்வராக்க அதிமுக கூட்டத்தில் ஒருமனதமாக முடிவு செய்யப்பட்டது. இதனையடுத்து கடந்த 217 நாட்களாக வீட்டிலேயே இருந்த ஜெயலலிதா நேற்று தலைவர்கள் சிலைக்கு மாலை அணிவித்தார். அவருக்கு வழி நெடுகிலும் தொண்டர்கள் உற்சாக வரவேற்பு கொடுத்தனர். தொடர்ந்து இன்று முதல்வராக மீண்டும் பொறுப்பேற்றார் ஜெயலலிதா. அவருடன் சேர்ந்து 28 அமைச்சர்களும் பொறுப்பேற்று கொண்டனர். சென்னை பல்கலை., நூற்றாண்டு விழா மண்டபத்தில் இந்த விழா சிறப்பாக நடந்தது.
இந்த விழாவில் அரசியல் பிரமுகர்கள் மட்டுமின்றி திரையுலக பிரமுகர்கள் பலரும் கலந்து கொண்டனர். குறிப்பாக நடிகர் ரஜினிகாந்த் இந்த விழாவில் கலந்து கொண்டது பலரது கவனத்தையும் ஈர்த்தது. ரஜினி மட்டுமின்றி, இசையமைப்பாளர் இளையராஜா, நடிகர் சங்க தலைவர் சரத்குமார், இயக்குநர் சங்க தலைவர் விக்ரமன், மூத்த இயக்குநர்கள் எஸ்.பி.முத்துராமன், நடிகை எம்.என்.ராஜன், பிரபு, ஏவிஎம் சரவணன் உள்ளிட்ட திரையுலக பிரபலங்கள் பலரும் இந்த விழாவில் பங்கேற்றனர்.