ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
கங்கை அமரன் பாஜகவில் சேர்ந்ததை அடுத்து நடிகர் நெப்போலியனும் அக்கட்சியில் சேருகிறார். சில வருடங்களுக்கு முன் பிரபல நடிகராக இருந்த நெப்போலியன் பிறகு அரசியலில் தீவிரமாகி, திமுக சார்பில் மத்திய அமைச்சராகவும் பதவி வகித்தார். மு.க.அழகிரி உடன் நெருக்கமாக இருந்த காரணத்தால் கட்சியிலிருந்து ஓரங்கட்டப்பட்ட நெப்போலியன், திமுகவிலிருந்து விலகி வேறு கட்சியில் சேரப்போகிறார் என்ற தகவல் அடிபட்டது. அவரை பாஜகவில் சேரும்படி அழைப்பு விடுத்தார் பாஜக தலைவர் அமித் ஷா. நெப்போலியனும் இதற்கு சம்மதித்துவிட்டார். நாளை காலை 10 மணிக்குபாஜக தலைமை அலுவலகமான கமலாலயத்தில் அமித் ஷாவைச் சந்தித்து கட்சியில் இணைகிறார் நெப்போலியன்.
இதுகுறித்து செய்தியாளர்களிடம் பேசிய நெப்போலியன், "ஆமாம், பாஜக கட்சியில் இணையப்போவது உண்மைதான். என் ரசிகர் மன்ற நிர்வாகிகள், ஆதரவாளர்களுடன் இணையப் போகிறேன். இன்று நடக்கும் பொதுக்கூட்டத்தில்தான் சேர அழைத்தார்கள். ஆனால் எனது ரசிகர் மன்றத்தினர் பல்வேறு பகுதியிலிருந்து வந்து சேர கால அவகாசம் தேவை என்பதால் நாள் பாஜக தலைவர் அமித் ஷா முன்னிலையில் கமலாலயத்தில் இணைகிறேன்." என்று கூறி இருக்கிறார். நேற்று மாலை பாஜகவின் தமிழக பொறுப்பாளர் முரளிதரராவ், மத்திய அமைச்சர் பொன் ராதாகிருஷ்ணன் ஆகியோர் நெப்போலியன் வீட்டுக்கு வந்து அவரைச் சந்தித்து, முறைப்படி கட்சியில் சேர அழைப்பு விடுத்தனர்.
இதனிடையே திமுக., கட்சியின் அடிப்படை உறுப்பினர் பதிவியிலிருந்து தாம் விலகுவதாக திமுக., தலைமைக்கு கடிதம் அனுப்பியுள்ளார் நெப்போலியன். அந்தக்கடிதத்தில், இதுநாள் வரை எனக்கு ஆதரவளித்து, உயர்வளித்து அன்பு பாராட்டிய இயக்கத்தின் தலைவருக்கும், பொதுச்செயலாளர், கழகப்பொறுப்பாளர் மற்றும் அனைத்து நிர்வாகிகளுக்கும் என் நன்றியை தெரிவித்து கொள்கிறேன் என்று கூறியுள்ளார்.