லிங்கா - ஐதராபாத் படப்பிடிப்பு முடிந்தது...!

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

லிங்கா' - ஐதராபாத் படப்பிடிப்பு முடிந்தது...!

31 ஜூலை, 2014 - 11:57 IST

எழுத்தின் அளவு:

கே.எஸ். ரவிக்குமார் இயக்கத்தில், ஏ.ஆர்.ரஹ்மான் இசையமைப்பில் ரஜினிகாந்த், அனுஷ்கா, சோனாக்ஷி சின்ஹா, சந்தானம் மற்றும் பலர் நடிக்கும் 'லிங்கா' படத்தின் படப்பிடிப்பு கடந்த ஒரு மாதத்திற்கும் மேலாக ஐதராபாத்தில் நடைபெற்று வந்தது. அங்குள்ள ராமோஜி பிலிம் சிட்டி, அன்னபூர்ணா ஸ்டுடியோ மற்றும் ஐதராபாத்தில் உள்ள சில இடங்களில் படப்பிடிப்பு நடைபெற்றது. நேற்றுடன் ஐதராபாத் ஷெட்டியூல் முடிவடைந்து படக்குழுவினர் அங்கிருந்து புறப்படுகிறார்கள். ஒரு சிறிய இடைவெளிக்குப் பிறகு மீண்டும் படப்பிடிப்பு ஆரம்பமாக உள்ளது. அநேகமாக அடுத்த கட்டப் படப்பிடிப்பு சென்னையில் நடைபெற வாய்ப்புள்ளதாகத் தெரிகிறது.

'லிங்கா' படப்பிடிப்பு மைசூரில் ஆரம்பமாகி, அங்கு சில நாட்கள் நடைபெற்று, பின்னர் அப்படியே ஐதராபாத்திற்குச் சென்றுவிட்டது. ஒரு தமிழ்ப் படத்தின் படப்பிடிப்பு, அதுவும் ரஜினிகாந்த் நடிக்கும் படம், தமிழ்நாட்டில் படமாகாமல் தொடர்ந்து வேறு மாநிலங்களிலேயே படமாக்கப்பட்டு வருவது இங்குள்ள திரைப்படத் தொழிலாளர்களுக்கும், ரசிகர்களுக்கும் ஏமாற்றமாகவே இருந்தது. அந்தக் குறையைப் போக்குவதற்காக அடுத்த கட்டப் படப்பிடிப்பை சென்னையில் நடத்துவதென முடிவெடுத்துள்ளார்கள் எனச் சொல்லப்படுகிறது. நீண்ட இடைவெளிக்குப் பிறகு கே.எஸ்.ரவிக்குமார் இயக்கத்தில் ரஜினி நடிப்பதாலும், ரஜினியுடன் முதன் முறையாக அனுஷ்கா, சோனாக்ஷி சின்ஹா நடிப்பதாலும் படத்திற்கு வழக்கம் போலவே எதிர்பார்ப்பு ஏற்பட்டுள்ளது.

Linga

Rajinikanth

K.S.Ravikumar

Anushka

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய