விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் |
பிருத்விராஜ் நடிப்பில் புதிதாக உருவாக இருக்கும் படம் ஆடுஜீவிதம். பிரபல இயக்குனர் பிளஸ்சி இயக்குகிறார். பல கனவுகளோடு சவூதி அரேபியாவுக்கு சென்று அங்கே அடிமையாய் பாலைவனத்தில் ஆடு மேய்க்கும் ஒரு பட்டதாரி இளைஞனைப் பற்றிய கதை தான் இந்தப்படம். இதற்காக நவ-17 முதல் மார்ச்-19 வரை சுமார் பதினெட்டு மாதங்கள் தேதி ஒதுக்கியுள்ளதாக அறிவித்தார் பிருத்விராஜ். இந்தப்படத்தில் வெவ்வேறு காலகட்டத்தில் வெவ்வேறுவித தோற்றங்களில் பிருத்விராஜ் நடிக்க வேண்டி இருப்பதால் தான் இந்த ஒன்றரை வருட காலம் கால்ஷீட் தேவைப்படுகிறதாம்.
தற்போது இந்தப்படத்தின் கதாநாயகி, நாயகனுடன் இணைந்து நடிக்கும் நண்பன் மற்றும் நாயகனின் அம்மா ஆகிய மூன்று கேரக்டர்களில் நடிக்க ஆட்கள் தேவை என தனது பேஸ்புக் பக்கத்தில் விளம்பரப்படுத்தியுள்ளார் பிருத்விராஜ். ஆனால் அதற்காக சில நிபந்தனைகளையும் விதித்துள்ளார்கள். குறிப்பாக இந்த மூவரும் ஒன்றரை வருடம் இந்தப்படத்திற்காக மட்டுமே ஒதுக்க வேண்டும் என்பதும் வேறு எந்த படங்களில் நடிக்க கூடாது என்பதும் முக்கியமான நிபந்தனை..
நாயகனின் நண்பனாக நடிப்பவர் தனது சொந்த ஊரை தவிர வெளியுலகை பற்றி அவ்வளவாக அறிந்திராதவராக இருக்க வேண்டுமாம். மேலும் நார்மலான உடல்வாகுடன் இருக்கும் அவர் படத்தின் வெவ்வேறு காலகட்டத்தை பிரதிபலிக்கும் காட்சிகளுக்காக தனது உடல் எடையை அவ்வப்போது குறைக்க வேண்டியும் இருக்குமாம். அதுமட்டுமல்ல பாலைவனத்தில் படமாக்கப்படும் காட்சிகளில் அதன் சூழலை தாங்கும் உடல்நிலை மற்றும் மனோநிலையும் அவருக்கு இருக்க வேண்டுமாம். கதாநாயகியாக நடிப்பவருக்கான காட்சிகளின் நேரம் குறைவு என்றாலும் அவரும் ஒன்றரை வருடம் இந்தப்படத்தை விட்டு நகரக் கூடாதாம்.
இந்தப்படத்தின் படப்பிடிப்பு வரும் நவம்பர் மாதம் துவங்கும் என எதிர்பார்க்கப்படுகிறது.