ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தற்போது சினிமாவில் நடிகனாக அடியெடுத்து வைத்திருக்கும் நடிகர் ஜெயராமின் மகன் காளிதாஸ், சென்னை லயோலா கல்லூரியில் விஸ்காம் படித்தவர்.. கேரளாவில் ப்ளஸ்டூ படித்துக்கொண்டு இருந்தபோதே, கல்லூரி படிப்பிற்கு அவரை லயோலாவில் தான் சேர்க்கவேண்டும் என தீர்மானம் செய்துவிட்டாராம் ஜெயராம்.. சொல்லப்போனால் மகனை லயோலாவில் படிக்கவைக்க வேண்டும் என்பது ஜெயராமின் லட்சியங்களில் ஒன்று.. ஆனால் அங்கே சேர்க்கவேண்டும் என்றால் 90 சதவீதத்திற்கு குறையாமல் மார்க் எடுக்க வேண்டுமே.. நம் மகன் வெறும் 60 அல்லது 70 சதவீதம் மட்டும் எடுத்தால் என்ன பண்ணுவது என்கிற கவலையும் அவருக்கு இருந்ததாம்.
அந்த சமயத்தில் ஓணம் பண்டிகை நிகழ்ச்சி ஒன்றை நடத்திய லயோலா கல்லூரி, அதற்கு சிறப்பு விருந்தினராக ஜெயராமையும் அவரது குடும்பத்தாரையும் அழைத்திருந்தது.. அதை தனக்கு கிடைத்த மிகப்பெரிய வாய்ப்பாகவே கருதினார் ஜெயராம். அந்த விழாவில் ஆயிரக்கணக்கான மாணவர்கள் முன்னிலையில் கலந்துகொண்ட ஜெயராம் தனது மகிழ்ச்சியை வெளிப்படுத்தியதோடு இந்த கல்லூரியில் தான் தனது மகனை படிக்கவைக்க விரும்புவதாகவும் அது தனது லட்சியம் என்றும் குறிப்பிட்டார்.. கல்லூரி தாளாளரும் மகிழ்ச்சியுடன் சரி என தலையாட்டினாராம்...
ஆனால் ஜெயராமோ இப்படி சொன்னால் போதாது, மேடையிலேயே சத்தியம் செய்து தாருங்கள் என விடாப்படியாக நின்றாராம்.. தாளாளர் தயக்கத்துடன் முழிக்க, ஆயிரக்கணக்கான மாணவர்களும் தாளாளரை பார்த்து சத்தியம் செய்யுங்கள்' என கோரஸாக கோஷம் போட ஆரம்பித்துவிட்டனாராம். தாளாளரும் வேறு வழியின்றி பொதுமேடை என்பதால் சத்தியம் செய்தாராம். அத்துடன் அடுத்த வருடம் சொன்னது போல 75 சதவீதமே வாங்கிய காளிதாஸுக்கு சீட்டும் கொடுத்துவிட்டாராம்.