Dinamalar

பிளாஷ்பேக்: ஆஸ்தான இயக்குனருக்காக கவுரவ தோற்றத்தில் நடித்த சிவாஜி

பொதுவாக சிவாஜி கவுரவ தோற்றங்களில் நடிப்பதில்லை. என்றாலும் முதன் முறையாக தனது ஆஸ்தான இயக்குனரான பி.ஆர்.பந்துலுவுக்காக கவுரவ தோற்றத்தில் நடித்தார். சிவாஜியின் வரலாற்று சிறப்பு மிக்க வீரபாண்டிய கட்டபொம்மன், கப்பலோட்டிய தமிழன் படங்களை இயக்கியவர். இரண்டுமே தேசிய விருது பெற்ற படங்கள்.

பி.ஆர்.பந்துலு கன்னடத்தில் 'ஸ்கூல் மாஸ்டர்' என்ற படத்தை இயக்கினார். இதில் அவரே கதையின் நாயகனாக நடிக்கவும் செய்தார். அவருடன் சவுகார் ஜானகி, குலதெய்வம் ராஜகோபால், சரோஜாதேவி உள்ளிட்ட பலர் நடித்தனர்.

ஒரு நேர்மையான பள்ளி ஆசிரியரின் வாழ்க்கைதான் படம். அதில் அவர் வாசு என்ற திருட்டு மாணவனை திருத்தி மேற்படிப்புக்கு அனுப்பி வைக்கிறார். ஆசிரியர் ஓய்வு பெற்றதும் வறுமையில் வாடுகிறார். அவரால் மேல்படிப்புக்கு அனுப்பி வைக்கப்பட்ட வாசு ஒரு போலீஸ் உயர் அதிகாரியாக வளர்ந்து ஆசிரியருக்கு ஏற்படும் ஒரு பிரச்னையை தீர்த்து வைக்கிறார். அந்த போலீஸ் அதிகாரியாக கவுரவ தோற்றத்தில் நடித்தார் சிவாஜி.

இந்த படம் 'எங்கள் குடும்பம் பெரிசு' என்ற பெயரில் தமிழில் வெளியானது, 'பதி பந்துலு' என்ற பெயரில் தெலுங்கில் டப்பிங் செய்யப்பட்டு வெளியானது. 1959ம் ஆண்டு ஏ.எல்.எஸ். புரொடக்சன்ஸ் 'ஸ்கூல் மாஸ்டர்' என்ற பெயரில் ஹிந்தியில் தயாரித்து வெளியிட்டனர். அதன் பின்னர் 1964ம் ஆண்டு 'ஸ்கூல் மாஸ்டர்' என்ற பெயரில் மலையாளத்தில் தயாரிக்கப்பட்டது. இதிலும் அதே கவுரவ தோற்றத்தில் நடித்தார் சிவாஜி . அந்த வகையில் அவர் நடித்த முதல் மலையாளப் படம் இதுவே.

• 
  என் வாழ்க்கையில் திருப்புமுனையை ஏற்படுத்தியவர் ரஜினிகாந்த் ; பாலிவுட் ...
• 
  மகா காலேஸ்வரர் கோவிலில் தரிசனம் செய்த சாரா அர்ஜுன்
• 
  மும்பை திரையரங்குகளில் 300 கோடியை தாண்டிய முதல் இந்திய திரைப்படம் ...
• 
  'துரந்தர்-2 'படத்திற்கு தடைவிதிக்க : நீதிமன்றம் மறுப்பு
• 
  ரன்வீருக்கு 250 லுக், துரந்தருக்கு 10,000 உடைகள் : ஆடை வடிவமைப்பாளருக்கு நன்றி ...

• 
  'காக்கி சர்க்கஸ்' இயக்குனர் தான் என் காதலர் ; மனம் திறந்த நடிகை
• 
  ஆஷா போஸ்லே மறைவு; அரசியல் தலைவர்கள் முதல் சினிமா பிரபலங்கள் வரை இரங்கல்
• 
  என்டிஆர், நீல் படத்தில் பிரபல பாலிவுட் நடிகர்!
• 
  மாதவிடாய் பெரிய பிரச்னையாக ஆக இருக்க கூடாது! - நடிகை ஸ்ரீ லீலா
• 
  'சேயோன்' படத்தில் பாக்ய ஸ்ரீ போர்ஸ்!