Dinamalar

இந்தியாவில் ரூ.500 கோடி ஆச்சரியத்தை ஏற்படுத்துமா 'அவதார் 2' ?

உலக சினிமா ரசிகர்கள் மிக ஆவலுடன் எதிர்பார்த்துக் காத்துக் கொண்டிருக்கும் 'அவதார் - த வே ஆப் வாட்டர்' படத்தின் டிரைலர் நேற்று ஆங்கிலம், ஹிந்தி, தமிழ், தெலுங்கு, மலையாளம் ஆகிய மொழிகளில் வெளியானது. அடுத்த மாதம் டிசம்பர் 16ம் தேதி உலகம் முழுவதும் வெளியாக உள்ளது.

இந்தியாவில் ஐந்து மொழிகளில் வெளியாக உள்ள இந்தப் படத்தின் வசூல் இதுவரை வெளியான ஹாலிவுட் படங்கள் இந்தியாவில் பெற்ற வசூலை முறியடிக்கும் என்ற எதிர்பார்ப்பை ஏற்படுத்தி உள்ளது. இதுவரை வந்த ஹாலிவுட் படங்களில் 'அவஞ்சர்ஸ் என்ட் கேம்' ரூ.400 கோடிக்கு அதிகமான வசூலைப் பெற்று முதலிடத்தில் உள்ளது. 'அவஞ்சர்ஸ் இன்பினிட்டி வார்' ரூ.300 கோடியை நெருங்கியுள்ளது.

2009ம் ஆண்டு டிசம்பர் மாதம் இந்தியாவில் வெளியான 'அவதார்' படத்தின் முதல் பாகம் ஐந்தே வாரங்களில் ரூ.100 கோடி வசூலைக் கடந்து மொத்த ஓட்டத்தில் சுமார் ரூ.130 கோடி வரை வசூலைக் குவித்து, முதன் முதலில் அதிக வசூலைப் பெற்ற ஹாலிவுட் படம் என்ற பெருமையைப் பெற்றது. அந்த சாதனையை இதுவரையில் ஆறே ஆறு ஹாலிவுட் படங்கள்தான் முறியடித்துள்ளது.

13 ஆண்டுகளுக்குப் பிறகு 'அவதார்' படத்தின் இரண்டாம் பாகம் வெளியாகப் போகிறது. 13 ஆண்டுகளுக்கு முன்பு எப்படி அதிக வசூலைக் குவித்த முதல் ஹாலிவுட் படம் என்ற புதிய சாதனையை நிகழ்த்தியதோ அது போல 'அவதார் 2' படம் ரூ.500 கோடி வசூலைக் கடந்து புதிய சாதனையை நிகழ்த்தும் என இந்திய பாக்ஸ் ஆபீஸ் வட்டாரங்கள் நம்புகின்றன. 'அவதார் 2' வெளிவருவதால் பல இந்தியத் திரைப்படங்களின் வெளியீடுகள் தள்ளி வைக்கப்படும் சூழ்நிலையும் உருவாகியுள்ளது.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு