குக் வித் கோமாளியில் சூர்யா பட நாயகி

விஜய் டிவியின் குக் வித் கோமாளி நிகழ்ச்சி ரசிகர்களின் ஆல் டைம் பேவைரட் ஷோவாக மாறியுள்ளது. தற்போது இதன் மூன்றாவது சீசன் தொடங்கி ஒளிபரப்பாகி வருகிறது. கடந்த ஜனவரி 22 ஆம் தேதி நிகழ்ச்சியின் 10 கோமாளிகள் அறிமுகத்துடன் நிகழ்ச்சி தொடங்கியுள்ளது. அதனை தொடர்ந்து ரோஷினி, மனோபாலா, வித்யுலேகா போன்ற போட்டியாளர்களின் அறிமுக முடிந்தது. இரண்டாம் நாளான ஞாயிற்றுக்கிழமை, சூர்யாவுடன் ஸ்ரீ படத்தில் நடித்த கதாநாயகி ஸ்ருதிகா அறிமுக செய்யப்பட்டுள்ளார். ஸ்ருதிகா பழம்பெரும் மூத்த நடிகரான தேங்காய் சீனிவாசனின் பேத்தி ஆவார். 17 வயதில் சினிமாவில் கதாநாயகியாக அறிமுகமான ஸ்ருதிகா, ஸ்ரீ, ஆல்பம், தித்திக்குதே ஆகிய படங்களில் நடித்துள்ளார். அதன் பின் படிப்பில் கவனம் செலுத்த தொடங்கிய ஸ்ருதிகா, காதலித்து திருமணம் செய்து கொண்டார். தற்போது பெண் தொழிலதிபராகவும் பொறுப்பான அம்மாவாகவும், மனைவியாகவும் இருக்கும் அவர், தற்போது நீண்ட நாட்களுக்கு பிறகு சின்னத்திரையில் குக் வித் கோமாளியின் மூலம் என்ட்ரி கொடுத்துள்ளார்.