மீண்டும் சீரியலில் ஜூலி : வில்லியாக நடிக்கிறாரா?

பிக்பாஸ் நிகழ்ச்சியின் மூலம் அதிக பிரபலமானவர் மரியானா ஜூலி. இந்த நிகழ்ச்சியின் மூலம் அதிக வசவுகள் பெற்றவரும் இவர் தான். அதிக புகழ் பெற்றவரும் இவர் தான். முதல்முறை செய்த தவறை திருத்திக்கொள்ள பிக்பாஸ் அல்டிமேட்டில் என்ட்ரி கொடுத்து தன்னை வெறுப்பவர்களையும் ரசிகர்களாக்கினார். தற்போது ஜூலிக்கென ஒரு சிகர் வட்டாரம் உள்ளது.

இந்நிலையில், முன்னதாக சீரியல்களில் கெஸ்ட் ரோலில் மட்டுமே நடித்து வந்த ஜூலி, விஜய் டிவியின் தென்றல் வந்து என்னைத் தொடும் சீசன் 2வில் கேரக்டர் ரோலில் கமிட்டாகியுள்ளார். அதுவும் ஹீரோவை ஒருதலையாக காதலிக்கும் பெண்ணாக அவரது கதாபாத்திரம் உருவாக்கப்பட்டுள்ளது.

கதைப்படி ஹீரோயின் மீது கோபத்திலிருக்கும் ஹீரோவுக்கு ஜூலி தான் ஆதரவாக இருக்கிறார். எனவே, ஜூலியின் கதாபாத்திரம் இரண்டாவது நாயகியா? அல்லது வில்லியா? என ரசிகர்கள் ஆர்வமாக எதிர்பார்த்து வருகின்றனர். ஜூலியின் சீரியல் எண்ட்ரியையும் பாராட்டி வாழ்த்தி வருகின்றனர்.