![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
இருமுடி படத்தில் ரவி தேஜாவின் ஐயப்ப பக்தர் கதாபாத்திரம் குறித்து இயக்குனர் புதிய தகவல்
பிப் 01, 2026
Advertisement
தெலுங்கு திரை உலகில் மசாலா படங்களில் மட்டுமே நடித்து ஒரு மாஸ் ஹீரோவாக வலம் வருபவர் நடிகர் ரவி தேஜா. அவரது நடிப்பில் அடுத்ததாக "இருமுடி" என்கிற படம் உருவாக இருப்பதாக சமீபத்தில் ஒரு அறிவிப்பு வெளியானது. அப்போது வெளியிடப்பட்ட அந்த படத்தின் போஸ்டரில் ரவி தேஜா ஐயப்ப பக்தர் தோற்றத்தில் இருமுடி சுமந்தவாறு தனது கையில் ஒரு குழந்தையை தூக்கியபடி இருப்பது போன்று காணப்பட்டது. தந்தை மகளுக்கான பாசப்பிணைப்பு குறித்து அதன் பின்னணியில் இந்த படம் உருவாவதாக சொல்லப்படுகிறது.
அதே சமயம் இந்த ஐயப்ப பக்தர் கெட்டப் குறித்து பலரும் பலவிதமான கருத்துக்களை சோசியல் மீடியாவில் சொல்லி வருகிறார்கள். இந்த நிலையில் சமீபத்திய பேட்டி ஒன்றில் படத்தின் இயக்குனர் சிவா நிர்வானா பேசும்போது, “இந்த படத்தில் சபரிமலையும் ரவி தேஜாவின் ஐயப்ப பக்தர் கதாபாத்திரமும் படத்தின் ஒரு பகுதியாக தான் வருகின்றன. பொதுவாகவே நமக்கு ஐயப்ப சுவாமி சென்டிமென்ட் ரொம்பவே இருக்கும். படத்தின் கதை ஓட்டத்தில் இந்த கதாபாத்திரமும் அப்படி ஒரு ஐயப்ப பக்தராக சில காட்சிகளில் இடம்பெறுகிறது. மற்றபடி கதை பயணிக்கும் களம் வேறு” என்று கூறியுள்ளார்.
வாசகர்கள் கருத்துகள்
முதல் நபராக கருத்து தெரிவியுங்கள்!