தனுசுடன் இணைகிறார் சந்தீப் கிஷான்

தனுஷ் நடித்துள்ள நானே வருவேன், வாத்தி ஆகிய படங்களின் படப்பிடிப்பு முடிவடைந்து அடுத்தடுத்து திரைக்கு வர உள்ளன. இதையடுத்து சாணிக்காயுதம், ராக்கி படங்களை இயக்கிய அருண் மாதேஸ்வரன் இயக்கும் கேப்டன் மில்லர் என்ற படத்தில் நடிக்க போகிறார் தனுஷ். சத்யஜோதி பிலிம்ஸ் தயாரிக்கும் இந்த படத்திற்கு ஜிவி .பிரகாஷ் இசையமைக்கிறார். பிரியங்கா மோகன், நாயகியாக நடிக்கும் இந்த படத்தின் மோஷன் போஸ்டர் சமீபத்தில் வெளியிடப்பட்டது.

அக்டோபர் 7ம் தேதி முதல் இப்படத்தின் படப்பிடிப்பு நடைபெறுவதாக அறிவிக்கப்பட்டுள்ள நிலையில், தற்போது இந்த படத்தில் லோகேஷ் கனகராஜ் இயக்கிய மாநகரம் படத்தில் ஹீரோவாக நடித்த சந்தீப் கிஷான் ஒரு முக்கிய வேடத்தில் நடிக்க இருப்பதாக தகவல்கள் வெளியாகி உள்ளன. அவரது தெலுங்கு மார்க்கெட்டை கருத்தில் கொண்டு இப்படத்திற்கு ஒப்பந்தம் செய்திருப்பதாகவும் கூறப்படுகிறது. கேப்டன் மில்லர் ஐந்து மொழிகளில் பான் இந்தியா படமாக உருவாகிறது.