25வது நாளை எட்டிய கமலின் விக்ரம் : வசூல் எவ்வளவு தெரியுமா

லோகேஷ் கனகராஜ் இயக்கத்தில் கமல், விஜய் சேதுபதி, பகத் பாசில் ஆகியோர் நடிப்பில் இம்மாதம் 3 ஆம் தேதி திரைக்கு வந்த விக்ரம் படம், தமிழ், தெலுங்கு, மலையாளம், கன்னடம் என அனைத்து மொழிகளிலும் இப்போது வரை நல்ல வசூல் சாதனை செய்து வருகிறது. இந்தப்படத்தின் வசூல் காரணமாகவே ஏற்கனவே தமிழில் வெளியாக இருந்த யானை உள்ளிட்ட சில படங்களின் வெளியீட்டு தேதியை தள்ளி வைத்தார்கள். அதோடு தமிழகத்தில் பாகுபலி -2 படத்தின் வசூலை விக்ரம் படம் தாண்டி விட்டதாகவும் செய்திகள் வெளியாகின.

இந்த நிலையில் தற்போது இந்த படம் 25 நாட்களை எட்டி உள்ளது. அதோடு ஏரியா வாரியாக விக்ரம் படம் வசூல் செய்த தகவல் ஒன்றும் வெளியாகி இருக்கிறது. அதில், தமிழ்நாட்டில் 162 கோடி, கேரளாவில் 36 கோடி, ஆந்திரா மற்றும் தெலுங்கானாவில் 29 கோடி, கர்நாடகாவில் 22 கோடி இது தவிர வெளிநாடு ரிலீஸ் என ஒட்டுமொத்தமாக விக்ரம் படம் இதுவரை 375 கோடி வசூல் செய்திருப்பதாக பாக்ஸ் ஆபிஸ் வட்டாரங்கள் தெரிவிக்கின்றன.