நவம்பர் 1ல் தங்கலான் படத்தின் தெலுங்கு டீசர் விழா

பா.ரஞ்சித் இயக்கத்தில் விக்ரம் நடிப்பில் உருவாகி வரும் திரைப்படம் "தங்கலான்". பார்வதி, மாளவிகா மோகனன், பசுபதி உள்ளிட்டோர் முக்கிய கதாபாத்திரத்தில் நடித்துள்ளனர். கே.ஜி.எப் உருவாகுவதற்கு உள்ள தமிழர்களின் பங்கு குறித்து இப்படம் பேசுவதாக கூறப்படுகிறது. ஸ்டுடியோ கிரீன் ஞானவேல் ராஜா தயாரிக்கும் இப்படத்திற்கு ஜி.வி.பிரகாஷ் இசையமைக்கிறார்.

இதன் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் நடைபெற்று வருகிறது. இதன் டீசர் நவம்பர் 1ம் தேதி அன்று வெளியாகிறது என ஏற்கனவே அறிவித்திருந்தனர். இந்த நிலையில் இந்த படத்தின் தெலுங்கு பதிப்பு டீசரை நவம்பர் 1ம் தேதி மாலை 6 மணியளவில் ஐதராபாத்தில் உள்ள ஏ.எம்.பீ சினிமாஸில் நிகழ்ச்சி வைத்து வெளியீட்டு விழா நடைபெறும் என அறிவித்துள்ளனர்.