நெகட்டிவ் ரோல் : சமந்தா என்ன சொல்கிறார்?

தனது சினிமா பயணத்தில் இதுவரை பாசிட்டிவான வேடங்களாகவே நடித்து வந்துள்ள சமந்தா, முதன்முறையாக தி பேமிலிமேன்-2 வெப் தொடரில் ஒரு பயங்கரவாதி பெண்ணாக நடித்துள்ளார். அந்த வகையில் முதன்முறையாக ஒரு நெகட்டிவ் ரோலில் நடித்துள்ளார் சமந்தா.

கடந்த ஆண்டே இந்த வெப் தொடரின் படப்பிடிப்பு முடிந்து வெளியாக இருந்த நேரத்தில் அரசியல் சர்ச்சையில் சிக்கியதால் அதன் வெளியீடு தள்ளி வைக்கப்பட்டிருந்தது. இந்நிலையில் தற்போது தி பேமிலிமேன்-2 தொடர் ஜூன் 11-ந்தேதி அமேசான் பிரைமில் வெளியாக இருப்பதாக அறிவிக்கப்பட்டுள்ளது.

இந்நிலையில், இந்த தொடரில் நெகட்டிவ் ரோலில் நடித்திருப்பது பற்றி சமந்தாவிடம் கேட்கப்பட்ட ஒரு கேள்விக்கு, ‛‛இந்த ரோலில் நடித்தது ஒரு புதுமையான அனுபவத்தைக் கொடுத்துள்ளது. இந்த தொடரில் எனது நடிப்புக்கு ரசிகர்கள் வரவேற்பு கொடுத்தால் எதிர்காலத்திலும் இதுபோன்ற அதிரடியான நெகட்டிவ் வேடங்களில் நடிப்பேன்"" என்று தெரிவித்துள்ளார் சமந்தா.