5 மொழிகளில் வெளியாகும் குபேரா

புகழ்பெற்ற தெலுங்கு இயக்குனர் சேகர் கம்முலாவின் இயக்கத்தில் உருவாகி உள்ள படம் "குபேரா". தனுஷ், நாகார்ஜுனா மற்றும் ராஷ்மிகா மந்தனா நடித்துள்ள இந்த படத்தில் ஹாலிவுட் நடிகர் ஜிம் சர்ப் முக்கிய வேடத்தில் நடித்துள்ளார். ஸ்ரீ வெங்கடேஸ்வரா சினிமாஸ் மற்றும் அமிகோ கிரியேஷன்ஸ் இணைந்து தயாரிக்கிறது. தேவி ஸ்ரீ பிரசாத் இசை அமைக்கிறார், நிகேத் பொம்மி ஒளிப்பதிவு செய்துள்ளார்.

தமிழ் மற்றும் தெலுங்கில் ஒரே நேரத்தில் படமாக்கப்பட்டுள்ள "குபேரா", இந்தியா முழுவதும் பலதரப்பட்ட பார்வையாளர்களை சென்றடைவதை நோக்கமாகக் கொண்டு மலையாளம், கன்னடம் மற்றும் இந்தி மொழிகளில் மொழிமாற்றம் செய்யப்பட்டு வெளியாகவுள்ளது. தற்போது படத்தின் க்ளிம்ப்ஸ் வீடியோ வெளியிடப்பட்டுள்ளது.