பீஸ்ட் - முதல் நாளில் வசூல் சாதனையா?

நெல்சன் இயக்கத்தில், அனிருத் இசையமைப்பில், விஜய், பூஜா ஹெக்டே மற்றும் பலர் நடித்துள்ள "பீஸ்ட்" படம் நேற்று வெளியானது. தமிழகம் முழுவதும் சுமார் 800க்கும் மேற்பட்ட தியேட்டர்களில் இப்படம் வெளியாகி உள்ளது.

நேற்று விடுமுறை நாள் இல்லை என்றாலும் படத்திற்கு மிகப் பெரும் வசூல் கிடைத்துள்ளதாக திரையுலக வட்டாரங்கள் தெரிவிக்கின்றன. தமிழகத்தில் மட்டுமே இப்படம் 40 கோடி வரையில் வசூலைப் பெற்றிருக்கும் என்கிறார்கள். பெரும்பாலான தியேட்டர்களில் நேற்று 6 காட்சிகள் வரை நடைபெற்றுள்ளன. அதிகாலை சிறப்புக் காட்சி டிக்கெட்டுகள் 2000 ரூபாய் வரைக்கும், காலை 8 மணி காட்சி டிக்கெட்டுகள் 500 ரூபாய் வரைக்கும் விற்கப்பட்டுள்ளன.

படத்திற்கு எதிர்மறையான விமர்சனங்கள் அதிகம் வெளிவந்துள்ளது. இருப்பினும் மற்ற மாநிலங்களிலும் நேற்று வசூல் நிலவரம் நன்றாகவே இருந்ததாகத் தகவல் வெளியாகி உள்ளது. உலக அளவில் 50 கோடி வசூலை இந்தப் படம் முதல் நாளில் கடந்திருக்கும் என எதிர்பார்க்கப்படுகிறது. அப்படி வசூல் நடந்திருந்தால் தமிழில் இதுவரை வெளிவந்த படங்களின் முதல் நாள் வசூலில் "பீஸ்ட்" புதிய சாதனை படைக்கும்.