பொன்னி நதி பாடல் வரவேற்பு எப்படி ?

மணிரத்னம் இயக்கத்தில் ஏஆர் ரஹ்மான் இசையில் விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா மற்றும் பலர் நடிக்கும் "பொன்னியின் செல்வன்" படத்தின் முதல் சிங்கிளான "பொன்னி நதி" பாடல் இரண்டு தினங்களுக்கு முன்பு யு டியூபில் வெளியிடப்பட்டது.

வழக்கம் போல இந்தப் பாடலுக்கும் பல்வேறு விதமான விமர்சனங்களை ரசிகர்கள் சமூக வலைத்தளங்களில் எழுதினார்கள். ரஹ்மான் ரசிகர்கள் பாடலை ஆகா ஓகோவெனப் பாராட்டுகிறார்கள். அதே சமயம் மற்றவர்கள் சரித்திர காலப் பாடல் போல இல்லாமல் இருக்கிறது என்றும் குறை சொன்னார்கள்.

இப்படி சில பல விமர்சனங்கள் எழுந்த போதும் பாடல் வெளியான ஐந்து மொழிகளிலும் சேர்த்து ஒரு கோடி பார்வைகளை இப்பாடல் யு டியூபில் கடந்துள்ளது. தமிழில் 80 லட்சம், தெலுங்கு, ஹிந்தியில் தலா 17 லட்சம், மலையாளத்தில் 5 லட்சம், கன்னடத்தில் 4 லட்சம் பார்வைகளைக் கடந்துள்ளது.

படம் வெளியாக இன்னும் இரண்டு மாதங்கள் மட்டுமே உள்ள நிலையில் விரைவில் படத்தின் இசை வெளியீடு, டிரைலர் வெளியீடு நடைபெறும் என எதிர்பார்க்கப்படுகிறது.