
6 நாட்களில் 10 கோடி கூட வசூலிக்காத கஸ்டடி
மே 19, 2023
Advertisement
சென்னை 28, சரோஜா, மங்காத்தா, மாநாடு என பல சூப்பர் ஹிட் படங்களை கொடுத்தவர் வெங்கட்பிரபு. அதே சமயம், இவர் இயக்கிய மாஸ், பிரியாணி போன்ற படங்கள் தோல்வியும் அடைந்தன. மாநாடு படத்துக்கு பிறகு தமிழ் , தெலுங்கில் நாகசைதன்யா நடிப்பில் அவர் இயக்கிய கஸ்டடி மிகுந்த எதிர்பார்ப்புகளுக்கு இடையே கடந்த 12ம் தேதி திரைக்கு வந்தது. ஆனால் கலவையான விமர்சனங்களை சந்தித்த இந்த படம் திரைக்கு வந்து 6 நாட்களில் இதுவரை 10 கோடி ரூபாய் கூட வசூலிக்க வில்லை என்று தகவல்கள் வெளியாகி உள்ளன. அந்த வகையில், தமிழ் இயக்குனர் லிங்குசாமி தெலுங்கு நடிகர் ராம் பொத்தினேனி நடிப்பில் போலீஸ் கதையில் இயக்கிய தி வாரியர் படத்தைப் போலவே, இன்னொரு தெலுங்கு நடிகரான நாக சைதன்யாவை வைத்து போலீஸ் கதையில் வெங்கட் பிரபு இயக்கி உள்ள இந்த கஸ்டடி படமும் எதிர்பார்த்தபடி வெற்றி பெறாமல் அதிர்ச்சி தோல்வி அடைந்து இருக்கிறது. அதோடு இந்த இரண்டு படங்களிலுமே நாயகியாக நடித்தவர் கிர்த்தி ஷெட்டி என்பது குறிப்பிடத்தக்கது. கஸ்டடி படம் நிச்சயம் பெரியளவில் நஷ்டத்தை சந்திக்கும் என்கிறார்கள்.
சினிமா செய்திகளை WhatsApp-ல் பெறுங்கள்
Dinamalar Cinema WhatsApp Channel — latest news, exclusive interviews, breaking updates.
Join Channel
Advertisement














வாசகர்கள் கருத்துகள்
கருத்துகள் ஏற்றப்படுகின்றன…