விமர்சனம் வந்தால் வளருகிறீர்கள் என அர்த்தம் : மாளவிகா மோகனன்

‛பேட்ட" படத்தின் மூலம் தமிழில் அறிமுகமானவர் நடிகை மாளவிகா மோகனன். தொடர்ந்து பட்டாஸ், மாஸ்டர், தங்கலான் உள்ளிட்ட படங்களில் நடித்தார். மலையாளம், தெலுங்கு, ஹிந்தி படங்களிலும் நடித்து வருகிறார். வலைதளங்களில் எப்போதும் ஆக்டிவ்வாக இருக்க கூடியவர். அடிக்கடி போட்டோஷூட் நடத்தி ரசிகர்களையும் கவர்ந்து வருகிறார். பொதுவாக விமர்சனம் என்பது எல்லோருக்கும் வரும். அதிலும் சினிமாவில் உள்ளவர்களுக்கு குறிப்பாக நடிகைகளுக்கு இது சற்று அதிகமாகவே வரும்.

நிகழ்ச்சி ஒன்றில் பங்கேற்ற அவரிடம் தன் மீது வரும் விமர்சனங்கள் குறித்த கேள்விக்கு மாளவிகா அளித்த பதில், ‛‛சினிமாவிற்கு வந்துவிட்டால் விமர்சனங்கள் வருவது சகஜம் தான். அதிக அளவில் விமர்சனம் வந்தால் நீங்கள் வளருகிறீர்கள் என அர்த்தம். என்னை நோக்கி வரும் விமர்சனங்களை வளர்ச்சிக்கான படிக்கட்டுகளாகவே பார்க்கிறேன். அதையும் மீறி வரும் விமர்சனங்களை கடந்து சென்றுவிட்டால் எந்த பிரச்னையும் வராது"" என்கிறார்.