ராய் லட்சுமியின் கவர்ச்சி இமேஜை சிண்ட்ரெல்லா மாற்றும்: இயக்குனர் நம்பிக்கை

ராய்லட்சுமி கதையின் நாயகியாக நடிக்கும் படம் சிண்ட்ரல்லா. சாக்ஷி அகர்வால் , ரோபோ சங்கர், கல்லூரி வினோத் , பாடகி உஜ்ஜயினி ,கஜராஜ், மற்றும் பலர் நடித்திருக்கிறார்கள். காஞ்சனா 2 படத்திற்கு இசை அமைத்த அஸ்வமித்ரா இசையமைத்திருக்கிறார். தெலுங்கில் லட்சுமி என்டிஆர் படத்திற்கு ஒளிப்பதிவு செய்த ராமி இப்படத்திற்கு ஒளிப்பதிவு செய்துள்ளார் .

வினோ வெங்கடேஷ் இயக்கியுள்ளார் . இவர் எஸ்.ஜே.சூர்யாவிடம் உதவி இயக்குனராக பணியாற்றியவர். படம் பற்றி அவர் கூறியதாவது:
இது ஒரு பேய்ப் படம் தான். ஆனால் பேய்ப் படங்களுக்கான வழக்கமான பாணியில் இருந்து விலகி ஒரு விறுவிறுப்பான படமாக உருவாகி இருக்கிறது . ராய் லட்சுமி இப்படத்தில் ஏற்றுள்ள வேடம் அவருக்கு உள்ள இமேஜை உடைக்கும் படி இருக்கும். அவருக்கு இது ஒரு முக்கியமான படமாக இருக்கும். அவரை ஒரு கவர்ச்சிப் பதுமையாகப் பார்த்த ரசிகர்களுக்கு தோற்றத்திலும் நடிப்பிலும் மாற்றம் கொண்டதாக இருக்கும். நல்ல நடிப்பில் அவருக்கு உரிய இடத்தை பெற்றுத் தரும் படமாக இருக்கும் . என்றார்.