ஆள்பிடிக்கும் வேலை ஆரம்பம்

வருகிற சட்டசபை தேர்தலை முன்னிட்டு அரசியல் கட்சிகள் தேர்தல் பிரச்சாரத்துக்கு ஆள்பிடிக்கும் வேலையில் தீவிரமாக இறங்கி உள்ளன. இந்த தேர்தலில் கமல்ஹாசனை தவிர மக்களை ஈர்க்கும் நட்சத்திர தலைவர்கள் யாரும் இல்லை என்பதால் திரைப்பட நட்சத்திரங்களை பிரச்சார பீரங்கிகளாக்க கட்சிகள் தனி டீம் போட்டு தேடி வருகிறார்கள்.

அரசியல் கட்சிகளில் ஆர்வத்தை புரிந்து கொண்ட நடிகர், நடிகைகள் யார் அதிக பணம் தருகிறார்களோ அவர்கள் மேடையில் முழங்க தயாராகி வருகிறார்கள். யாரும் எதிர்பாராத வகையில் பல நடிகர்கள், நடிகைகள் வருகிற தேர்தலில் பிரச்சார பீரங்கிகளாக வெடிக்கக் கிளம்புகிறார்கள். அவர்களுக்கு ஸ்கிரிப்ட் எழுதி கொடுக்க எல்லா கட்சியிலும் தனி யூனிட்டை உருவாக்கி இருக்கிறார்கள்.