தந்தை நடிகரின் மிரட்டலால் ஓட்டம் பிடித்த நடிகை

சீயான் நடிகரின் வாரிசுக்கு சமீபத்தில் திரைக்கு வந்த மூன்றெழுத்த படம், "ஹிட்" அடித்ததை அடுத்து, புதிய படங்கள் அவரை நோக்கி படையெடுக்க துவங்கி உள்ளன. இதன் காரணமாக, அந்த படத்தில், அவருக்கு ஜோடியாக நடித்த மலையாள நடிகை, மேற்படி நடிகரை வளைத்துப் போட்டுக் கொண்டார். அவரை வைத்து கோலிவுட்டில் மார்க்கெட்டை பிடித்து விடலாம் என்று அடிக்கடி வாரிசு நடிகருடன், ஸ்டார் ஹோட்டலில், "மீட்டிங்" போட்டு வந்தார்.

இந்த தகவல், சீயான் நடிகரின் காதுகளை எட்டியதை அடுத்து, மேற்படி நடிகைக்கு போன் செய்து, "இனிமேலும் என் மகனை சந்திக்கும் தகவல் அறிந்தால், கோலிவுட் பக்கமே தலை காட்ட முடியாத அளவுக்கு வேலையை காட்டி விடுவேன்..." என்று, கடும் மிரட்டல் விடுத்துள்ளார். இதன் காரணமாக ஸ்டார் ஹோட்டலை காலி பண்ணி விட்டு சொல்லாமல் கொள்ளாமல் கேரளத்துக்கு ஓட்டம் பிடித்து விட்டார், மேற்படி நடிகை.