![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
சர்பரோஸ் 25ம் வருடத்தில் 2ம் பாகத்தை அறிவித்த அமீர்கான்
மே 12, 2024
Advertisement
அமீர்கான் நடிப்பில் கடந்த 1999ல் வெளியான படம் "சர்பரோஸ்". இந்த படத்தை மலையாளத்தை பூர்வீகமாகக் கொண்ட ஜான் மேத்யூ மாத்தன் என்பவர் இயக்கி இருந்தார். சோனாலி பிந்த்ரே கதாநாயகியாக நடிக்க முக்கிய கதாபாத்திரத்தில் நஸ்ருதீன் ஷா, முகேஷ் ரிஷி, பிரதீப் ராவத் உள்ளிட்ட பலர் நடித்திருந்தனர். இந்த படத்தில் ஏசிபி அஜய் சிங் ரத்தோட் என்கிற கதாபாத்திரத்தில் ஒரு போலீஸ் அதிகாரியாக அமீர்கான் நடித்திருந்தார். தற்போது இந்த படம் வெளியாகி 25 வருடங்களை கடந்துள்ளது.
இதனை கொண்டாடும் விதமாக சமீபத்தில் மிகப்பெரிய திரையரங்கு ஒன்றில் இந்த படத்தின் சிறப்பு காட்சி திரையிடப்பட்டது. இதில் படத்தில் பங்கு பெற்ற அமீர்கான் உள்ளிட்ட கலைஞர்கள் பலரும் கலந்து கொண்டனர். திரையிடலுக்குப் பிறகு இந்த படம் குறித்து தங்களது அனுபவங்களை பலரும் பகிர்ந்து கொண்டனர். அப்போது அமீர்கான் பேசும்போது, “படத்தை பார்க்கும்போது எனக்கு ஒன்றும் இப்போது வயது அதிகமாகிவிட்டதாக தெரியவில்லை. இந்த சமயத்தில் இதன் இரண்டாம் பாகத்தை அறிவிப்பது தான் சரியாக இருக்கும் என்று நினைக்கிறேன்.. நிச்சயம் இந்த படத்தின் இரண்டாம் பாகம் எடுக்கப்படும்” என்று உறுதிப்பட கூறினார்.
Advertisement
வாசகர்கள் கருத்துகள்
முதல் நபராக கருத்து தெரிவியுங்கள்!