விக்ரம் வேதா ரீமேக்கிலிருந்து ஆமீர்கான் விலகியது ஏன்

மாதவன் - விஜய்சேதுபதி நடிப்பில் புஷ்கர்—காயத்ரி இயக்கத்தில் வெளியாகி மிகப்பெரிய வெற்றியை பெற்ற படம் விக்ரம் வேதா. இந்தப்படம் தற்போது இந்தியில் ரீமேக்காக இருக்கிறது. வேதாவாக ஹிரித்திக் ரோஷனும் விக்ரமாக சயீப் அலிகானும் நடிக்க இருக்கின்றனர்.

ஆனால் முதலில் ஆமீர்கான் தான் வேதா கேரக்டரில் நடிப்பதாக இருந்தது. படத்தின் திரைக்கதை அவருக்கு திருப்தி அளிக்கவில்லை என்பதால் அவர் விலகியதாக சொல்லப்பட்டது. உண்மை என்னவென்றால் இந்தப்படத்தை பான் ஆசியா படமாக உருவாக்க நினைத்த ஆமீர்கான், இதன் கதையை அப்படியே ஹாங்காங் பின்னணியில் நடைபெறுவதாக மாற்ற சொன்னார். அதற்கான திரைக்கதையும் மாற்றி எழுதப்பட்டது.

ஆனால் கொரோனா தாக்கம், மற்றும் இந்தியா - சீனாவுக்கிடையேயான பிரச்சனை என இரண்டும் சேர்ந்து ஆமீர்கானின் திட்டத்தை தவிடுபொடியாக்கி விட்டது. ஏற்கனவே அமீர்கானின் தங்கல் படம் சீன மொழியில் வெளியாகி மிகப்பெரிய வரவேற்பை பெற்றதால், விக்ரம் வேதாவையும் அதே பாணியில் உருவாக்க நினைத்திருந்த ஆமீர்கான், அதற்கு வாய்ப்பில்லை என தெரிந்ததுமே இந்தப்படத்தில் இருந்து விலகிக் கொண்டாராம்.