கரீனா கபூருக்கு பிரியாணி அனுப்பிய பிரபாஸ்

ராதே ஷ்யாம் படத்தை அடுத்து சலார், ஆதி புருஷ் போன்ற படங்களில் நடித்து வருகிறார் பிரபாஸ். மேலும் தன்னுடன் நடிக்கும் நடிகைகளுக்கு சுவையான மதிய உணவுகள் அனுப்பி வைப்பதை அவர் வழக்கமாக வைத்திருக்கிறார். இதை அவருடன் இணைந்து நடித்துள்ள பூஜா ஹெக்டே, ஸ்ருதிஹாசன் போன்ற நடிகைகள் உறுதிப்படுத்தியுள்ளனர்.

இந்தநிலையில் பாலிவுட் நடிகையான கரீனா கபூருக்கு பிரியாணி அனுப்பி வைத்த அவருக்கு மிகப்பெரிய சர்ப்ரைஸ் கொடுத்துள்ளார் பிரபாஸ். அதையடுத்து, பாகுபலி நீங்கள் அனுப்பிய சிறந்த உணவுக்கு நன்றி என்று தெரிவித்துள்ள கரீனா கபூர், பிரபாஸ் அனுப்பிய உணவை படமெடுத்து அதில் நன்றி தெரிவித்துள்ளார். கரீனா கபூரின் கணவரான சைப் அலிகான் தற்போது பிரபாசுடன் இணைந்து ஆதிபுருஷ் படத்தில் நடித்து வருகிறார் என்பது குறிப்பிடத்தக்கது.