Dinamalar

'ஜவான்' டிரைலர் நாளை காலை வெளியீடு

அட்லீ இயக்கத்தில், அனிருத் இசையமைப்பில், ஷாரூக்கான், விஜய் சேதுபதி, நயன்தாரா, யோகி பாபு மற்றும் பலர் நடிக்கும் ஹிந்திப் படம் 'ஜவான்'. இப்படம் மீது இந்திய அளவில் மட்டுமல்ல உலக அளவிலும் உள்ள ஹிந்தி ரசினிமா ரசிகர்கள் அதிக எதிர்பார்ப்பில் உள்ளனர்.

ஷாரூக்கான் நடித்து கடைசியாக வெளிவந்த 'பதான்' படம் 1000 கோடி வசூலைக் கடந்து சாதனை படைத்தது. அப்படிப்பட்ட ஒரு படத்திற்குப் பின்பு வரும் படம் இது. மேலும், தமிழில் விஜய் நடிக்க சில சூப்பர் ஹிட் படங்களைக் கொடுத்த அட்லீ முதல் முறையாக ஹிந்தியில் இப்படத்தை இயக்குவதால் பாலிவுட்டினரும் படத்தை எதிர்பார்த்து காத்திருக்கின்றனர்.

இப்படத்தின் டிரைலர் தயாராகி சென்சார் ஆன நிலையில் அடுத்த சில தினங்களில் டிரைலர் வெளியாகும் என்று தகவல் வந்தது. இந்நிலையில் நேற்று இரவு அதற்கான அறிவிப்பும் வெளியானது. நாளை ஜுலை 10ம் தேதி காலை 10.30 மணிக்கு டிரைலரை வெளியிட உள்ளார்கள். அதற்கு 'ஜவான் பிரிவியூ' என பெயர் வைத்துள்ளார்கள். பிரிவியூ என்பதை ஆங்கிலத்தில் 'Preview' என்றுதான் எழுத வேண்டும். ஆனால், இந்த அறிவிப்பில் அதை 'Prevue' எனக் குறிப்பிட்டுள்ளார்கள். இதில் ஏதும் குறியீடு இருக்கிறதா என்பது நாளை தெரிந்துவிடும்.

வியாபாரம் இத்தனை கோடியா?
வருகின்ற செப்டம்பர் 7ம் தேதி அன்று உலகமெங்கும் தமிழ், தெலுங்கு, ஹிந்தி ஆகிய மொழிகளில் வெளியாகிறது. தற்போது இந்த படத்தின் பிஸ்னஸ் விறுவிறுப்பாக நடைபெற்று வருகிறது. இந்த நிலையில், இந்த படத்தின் தியேட்டர் உரிமையை தவிர்த்து மற்ற உரிமைகளை பிஸ்னஸ் செய்துள்ளனர். இப்படத்தின் டிஜிட்டல், சாட்லைட், ஆடியோ உரிமைகளை சுமார் ரூ. 250 கோடிக்கு வியாபாரம் செய்துள்ளதாக தெரிவித்துள்ளனர்.

• 
  கல்லூரி சாலை ‛ஜெய்சங்கர் சாலை' ஆனது: அரசாணை வெளியீடு
• 
  மறைந்த நடிகை ஸ்ரீதேவியின் ஈசிஆர் சொத்துக்களை அபகரிக்க முயற்சி! ...
• 
  விஜய் படத்திற்கு பிறகு சிவகார்த்திகேயன் படத்தில் கெஸ்ட் ரோலில் நடித்த ...
• 
  விஜயகாந்தின் கனவு இரண்டே மாதத்தில் நிறைவேறும்! - விஷால்
• 
  கமல்ஹாசனை பார்ப்பது போல் இருக்கிறது; பிரேமலு நடிகருக்கு பிரியதர்ஷன் ...

• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்
• 
  'பிக் பாஸ்' ஹிந்தி, சீசன் 19 ஆரம்பம்
• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...