மூன் டிவியில் சரித்திரம் செய்வோம் நிகழ்ச்சி!

வரலாறு தானே உருவாவதில்லை. அது உருவாக்கப்படுகிறது. காலத்தால் அழியாத சரித்திரத்தை உருவாக்கியவர்கள் சரித்திர நாயகர்களாக காலம் கடந்தும் வாழ்கிறார்கள்.
உலகில் பிறந்த ஒவ்வொருவராலும் சரித்திர நாயகர்களாக முடியும். அதற்கு உழைப்பு, தியாக மனப்பான்மை, புதுமை செய்யும் புரட்சி குணம் போன்ற அடிப்படையான சிறப்பு இயல்புகள் அவசியம். வரலாற்றை உருவாக்கியவர்களின் வாழ்க்கையை வாசிக்கும்போது நாமும் வரலாற்று நாயகர்கள் ஆவதற்கான வழிகள் புலப்படுகிறது. அதற்கான ஏற்பாடு தான் இந்த சரித்திரம் செய்வோம் நிகழ்ச்சி. உலக அதிசயங்கள், உலக உரிமைக்கான போர்கள், போராளிகளின் வரலாறு, உண்மையான ஹீரோக்கள் என தடம் பதித்தவர்களின் வரலாற்றை பதிவு செய்யும் இந்த நிகழ்ச்சி, மூன் டிவியில் வெள்ளிதோறும் பகல் 12 மணிக்கு ஒளிபரப்பாகிறது. டைரக்டர் பிரபுராம் இயக்கும் இந்நிகழ்ச்சியை பைசன் தொகுத்து வழங்குகிறார்.