ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
விஜய் டி.வி. நடத்திய சூப்பர் சிங்கர் ஜுனியர்-3 பாட்டுப் போட்டியில் சிறந்த பாடகராக ஆஜித் தேர்ந்தெடுக்கப்பட்டார். அவருக்கு ரூ.60 லட்சம் மதிப்புள்ள வீடு பரிசாக வழங்கப்பட்டது. விஜய் டிவியில் கடந்த ஓராண்டாக நடந்து வந்த சூப்பர் சிங்கர் - 3 பாட்டுப்போட்டி நிகழ்ச்சியின் இறுதிப்போட்டி, சென்னை நேரு உள்விளையாட்டரங்கில் நடைபெற்றது. ஏ.ஆர்.ரஹ்மான் சிறப்பு அழைப்பாளராக வந்திருந்து ஐந்து இறுதிப்போட்டியாளர்கள் பிரகதி, சுகன்யா, கவுதம், ஆஜித், யாழினி பாடுவதை ரசித்தார். போட்டியாளர்கள் சேலஞ்சிங் சுற்று மற்றும் பிரீ ஸ்டைல் சுற்றில் தலா இரண்டு பாடல்கள் பாடினர்.
போட்டியின்போதே ரசிகர்கள் எஸ்.எம்.எஸ். மற்றும் இணையதளத்தின் மூலமாக இளைய பாடகர்களுக்கு ஓட்டளித்து வந்தனர். போட்டி முடிவடைந்ததும் ஏ.ஆர்.ரஹ்மான் மேடையேறி வெற்றி பெற்றவர்களின் பெயர்களை அறிவித்தார். சூப்பர் சிங்கர் ஜுனியர் 3 போட்டியில் முதல்பரிசு பெற்ற வெற்றியாளராக ஆஜித் அறிவிக்கப்பட்டார். அவருக்கு ஸ்ரீபெரும்புதூர் ஒரகடத்தில் 3 படுக்கைகளுடன் கூடிய சுமார் ரூ.60 லட்சம் மதிப்புள்ள வீட்டின் சாவியை ரஹ்மான் வழங்கினார்.
இரண்டாவது இடத்தை பெற்ற பிரகதிக்கு ரூ.5 லட்சம் மதிப்புள்ள தங்க நகை வழங்கப்பட்டது. மூன்றாவது இடத்தைப் பெற்ற யாழினிக்கு ரூ.2 லட்சம் மதிப்புள்ள தங்க நகை வழங்கப்பட்டது. மேலும் சுகன்யாவிற்கும், கவுதமிற்கும் தலா ரூ.2 லட்சம் பரிசுத்தொகையை விஜய் டிவி வழங்கியது. நிகழ்ச்சியில் பிரபல பாடகிகள் சித்ரா, மால்குடி சுபா, சுதா ரகுநாதன், விஜய பிரகாஷ், சீனிவாஸ், மனோ உள்ளிட்ட பலர் கலந்துகொண்டார்கள்.