Dinamalar

பாசம் டிவி தொடரில் நாயகியாக நடிக்கும் சங்கவி!

தமிழில் அஜித் நடித்த முதல் படமான அமராவதியில் அவருக்கு ஜோடியாக நடித்தவர் சங்கவி. அந்த வகையில், அஜித்-சங்கவி இருவரும் ஒரே படத்தில் அறிமுகமானவர்கள். அதைத் தொடர்ந்து விஜய்யுடன் ரசிகன், விஷ்ணு போன்ற படங்களில் நடித்த சங்கவி, பின்னர் தொடர்ச்சியாக தென்னிந்திய படங்கள் மற்றும் இந்தி படங்களிலும் நடித்தார். அதோடு, கோகுலத்தில் சீதை, சாவித்ரி, கால பைரவா போன்ற சீரியல்களிலும் நடித்தார்.

இந்நிலையில், 2016 பிப்ரவரியில் வெங்கடேஷ் என்பவரை திருமணம் செய்து கொண்ட சங்கவி, தற்போது கொளஞ்சி என்ற படத்தில் சமுத்திரகனிக்கு ஜோடியாக நடித்துள்ளார். மேலும், ஜெயா டிவிக்காக தயாரிக்கப்பட்டு வரும் பாசம் என்ற தொடரில் நாயகியாக நடித்து வருகிறார் சங்கவி. இதில் அவருக்கு இன்ஸ்பெக்டர் வேடம். பெண்களுக்கு சமூகத்தில் இழைக்கப்பட்டு வரும் அநீதிக்கு எதிராக குரல் கொடுக்கும் அதிரடியான கதாபாத்திரத்தில் நடிக்கும் அவர், சீரியல் முழுக்க காக்கி சட்டை அணிந்து மிடுக்காக நடிக்கிறாராம். கடந்த 15 நாட்களாக பாசம் தொடரின் படப்பிடிப்பு நடந்து வருகிறது. விரைவில் இந்த தொடர் ஜெயா டிவியில் ஒளிபரப்பாகிறது.

• 
  அஜித் தோவல் வேடத்தில் மாதவன்
• 
  ரன்வீர் சிங் ஜோடியான சாரா அர்ஜுன்
• 
  இன்ஸ்டாகிராமில் அனைத்து பதிவுகளையும் மொத்தமாக நீக்கிய ரன்வீர் சிங் ; ...
• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2

• 
  நான் ஏன் பிறந்தேன், தம்பிக்கு எந்த ஊரு, துணிவு - ஞாயிறு திரைப்படங்கள்
• 
  அரச கட்டளை, என் ஜீவன் பாடுது, லியோ : ஞாயிறு திரைப்படங்கள்
• 
  ஜீ 5 ஓடிடி மற்றும் ஜீ 5 தமிழ் டிவியி ஒளிபரப்பாகும் சூரியின் மாமன்
• 
  கந்தன் கருணை, ஷாஜகான், வேட்டையன் - ஞாயிறு திரைப்படங்கள்
• 
  தனி விமானம் வாங்கினாரா சின்னத்திரை நடிகை?