ஏழாம் உயிர் தொடரில் பேயாக நடிக்கிறார் சூசன்!

13 ஆக, 2015 - 12:03 IST

0 கருத்துகள் கருத்தைப் பதிவு செய்ய

எழுத்தின் அளவு:

தென்றல், வேட்டை, தியாகம், உயிரின் நிறம் ஊதா என பல தொடர்களில் நடித்தவர் சூசன். முன்னதாக ஜெயா டிவியில் தொகுப்பாளினியாக இருந்த இவர், மைனா படத்தில் அதிரடியான வில்லியாகவும் நடித்தார். அதன்பிறகும் சில படங்களில் நடித்தவர், சமீபகாலமாக சின்னத்திரையிலேயே முழுநேர நடிகையாகியிருக்கிறார். ஆனால் பல தொடர்களில் நடித்து விட்டபோதும் சூசன் என்று சொன்னாலே முதலில் கண்முன் வந்து நிற்பது தென்றல் சீரியல்தான். அதில் ஆட்டோ ஓட்டும் பெண்ணாகவும் நடித்திருந்தார். அதுவே குறுகிய காலத்தில் சின்னத்திரையில் சூசனை பெரிய நடிகையாக்கியிருக்கிறது.

இந்தநிலையில், தற்போது ஏழாம் உயிர் என்ற பெயரில் வேந்தர் டிவியில் அடுத்த வாரம் முதல் ஒளிபரப்பாக இருக்கும் தொடரில் பேய் வேடத்தில் நடித்திருக்கிறார் சூசன். மாதம் ஒரு கதை என இந்த தொடரின் கதையோட்டம் இருந்தபோதும் சூசன் நடிக்கிற பேய் கேரக்டர் எல்லா கதைகளிலும் வருமாம். மேலும், ஏற்கனவே தென்றல் தொடரில் மேக்கப் இல்லாமல் நடித்த சூசனுக்கு இந்த தொடரிலும் மேக்கப் கிடையாதாம். நிஜ தோற்றத்திலேயே தோன்றி அச்சுறுத்துகிறாராம். இந்த தொடரை சரவணன் மீனாட்சி தொடரை இயக்கிய அழகர் இயக்கி வருகிறார். பாரதிமோகன் உள்பட பல சின்னத்திரை பிரபலங்கள் முக்கியத்துவம் வாய்ந்த வேடத்தில் நடிக்கிறார்கள்.

Sussan

சூசன்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

''நான் ஏன் பிறந்தேன், வரலாறு, வெனம், ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய