Dinamalar

குடும்ப பெண்களுக்கு அட்வைஸ் செய்யும் பிரியசகி மித்ராகுரியன்!

மலையாள சினிமாவில் பல படங்களில் நடித்தவர் மித்ரா குரியன். தமிழில் சாது மிரண்டா, சூரியன் சட்டக்கல்லூரி, காவலன், கந்தா, புத்தனின் சிரிப்பு ஆகிய படங்களில் நடித்திருக்கிறார். நந்தவனம் என்ற படத்தில் நடித்து வருகிறார். இந்த நிலையில், கடந்த சில மாதங்களுக்கு முன்பு திருமணம் செய்து கொண்ட மித்ரா குரியன், தற்போது ஜீ டிவியில் ஒளிபரப்பாகி வரும் பிரியசகி என்ற தொடரில் டைட்டில் ரோலில் திவ்யா என்ற கேரக்டரில் நடித்துக்கொண்டிருக்கிறார்.

இதுபற்றி மித்ரா குரியன் கூறும்போது, சினிமாவில் நான் பல படங்களில் நடித்திருக்கிறேன் என்றாலும், எனக்கான கேரக்டர்கள் பெரிய அளவில் மனசை தொடக்கூடியதாக அமைந்ததில்லை. அதனால் சில நடிகைகள் சினிமாவில் திறமையை வெளிப்படுத்த சரியான சந்தர்ப்பம் கிடைக்காமல் பின்னர் சின்னத்திரைக்கு வந்து தங்களை ப்ரூப் பண்ணி வந்ததைப் பார்த்துதான் நானும் டிவிக்கு வர ஆசைப்பட்டேன். அதனால்தான் திருமணம் முடிந்த கையோடு பிரியசகி தொடரின் நாயகியாகி விட்டேன். இந்த தொடரில் நான் நடித்துள்ள திவ்யா கேரக்டருக்கு பெண்கள் மத்தியில் ரொம்ப நல்ல வரவேற்பு கிடைத்துள்ளது. இந்த தொடரில் ஜவுளி கடையில் வேலை செய்யும் பெண்ணாக நடித்திருக்கிறேன். அப்போது ஏற்படும் பிரச்சினைகளை சாதுர்யமாக சமாளிப்பேன். அது மட்டுமின்றி ஏழை குடும்பத்தில் பிறந்த பெண்ணான நான் குடும்பத்தையும் எப்படி வழிநடத்திச் செல்கிறேன் என்பதையும் இந்த சீரியலில் காட்டியிருக்கிறார்கள். மேலும், மாமியார், கணவரால் புகுந்து வீட்டில் ஏற்படும் பிரச்சினைகளையும் நான் எப்படி எதிர்கொள்கிறேன் என்பது பல குடும்ப பெண்களுக்கு ஒரு அட்வைசாக இருப்பதுபோல் இந்த தொடரில் எனது கேரக்டரில் அமைந்திருக்கிறது. அதனால் நானும் ஒரு சராசரி குடும்ப பெண்ணாக மாறி இயல்பாக நடித்துக்கொண்டி ருக்கிறேன் என்று கூறும் மித்ரா குரியன், இன்னும் சேலஞ்சிங்கான சீரியல்களிலும் நடிப்பதிலும் அதிக ஆர்வமாக இருக்கிறாராம்.

• வந்த படங்கள்

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  அன்பே வா, அவள் வருவாளா, நம்ம வீட்டுப் பிள்ளை - ஞாயிறு திரைப்படங்கள்
• 
  ராமன் தேடிய சீதை, பாட்ஷா, குடும்பஸ்தன் - ஞாயிறு திரைப்படங்கள்
• 
  இதயக்கனி, அன்புள்ள ரஜினிகாந்த், போர் தொழில் - ஞாயிறு திரைப்படங்கள்
• 
  ஆபாச படத்தைக் காட்டி 2 கோடி கேட்டு மிரட்டிய நடிகை
• 
  நான் ஏன் பிறந்தேன், முத்து, மார்கன் - ஞாயிறு திரைப்படங்கள்