Dinamalar

நிகழ்ச்சி தொகுப்பாளரான ஒய்.ஜி.மகேந்திரனின் மாணவர் வீர பிரபாகரன்!

ஒய்ஜிமகேந்திரனின் நாடகங்களில் தியேட்டர் ஆர்ட்டிஸ்டாக 8 ஆண்டுகளாக நடித்து வந்தவர் வீர பிரபாகரன். அவரது வியட்நாம்வீடு, நாடகம் உள்பட ஓய்.ஜி.மகேந்திரன் இதுவரை நடத்தியுள்ள 60 நாடகங்களில் 30 நாடகங்களில் இவர் நடித்திருக்கிறார். அந்த வகையில், ஒய்.ஜியின் மகன், ஆபீசில் வேலை செய்பவர், டாக்டர் என பலதரப்பட்ட கேரக்டர்களில் நடித்திருக்கிறார் இந்த வீர பிரபாகரன். இப்போது மலேசியாவில் ஒளிபரப்பாகி வரும் விண்மீன் என்ற தமிழ் சேனலில் நிகழ்ச்சி தொகுப்பாளராகியிருக்கிறார். சரித்திரம் என்ற நிகழ்ச்சி மூலம் சுதந்திரத்திற்காக போராடிய வீரப்பாண்டிய கட்டபொம்மன், புலித்தேவன், பாரதியார், ஜான்சிராணி, உ.வே.சாமிநாத அய்யர், வ.உ.சிதம்பரனார் உள்பட 16 தலைவர்களைப்பற்றி 16 எபிசோடுகளில் தொகுத்து வழங்கியிருக்கிறார் வீரபிரபாகரன்.

இந்த அனுபவம் குறித்து அவர் கூறும்போது, சாதாரணமான ஒரு நிகழ்ச்சியை தொகுத்து வழங்குவதை விட இந்த மாதிரி சுதந்திரத்திற்காக போராடிய தியாகிகளைப்பற்றி முதன்முதலாக ஒரு நிகழ்ச்சியை தொகுத்து வழங்க வாய்ப்புக் கிடைத்ததை பெரும் பாக்கியமாக கருதுகிறேன். குறிப்பாக, நம்ம ஊரில் உள்ள தலைவர்களின் வரலாரை மலேசிய தமிழர்களுக்கு அவர்களது புகைப்படம் மற்றும் வீடியோக்களுடன் இந்த நிகழ்ச்சியில் தெரியப்படுத்தி வருகிறோம். தற்போது சனி, ஞாயிறுகளில் இந்த நிகழ்ச்சி ஒரு மணி நேரம் வீதம் ஒளிபரப்பாகிக்கொண்டிருக்கிறது. மலேசிய மக்கள் தமிழர்களின் கலாச்சாரம் மற்றும் வரலாறை தெரிந்து கொள்ள வேண்டும் என்பதற்காகவே இந்த நிகழ்ச்சியை வழங்கி வருகிறார்கள் விண்மீன் தொலைக்காட்சியினர். இந்த நிகழ்ச்சியை அங்குள்ள மாணவர்கள் விரும்பி பார்க்கிறார்கள் என்று பெருமையான விசயம். அதோடு, அதை ரெக்கார்டு செய்து வைத்துக்கொண்டு மீண்டும் மீண்டும் போட்டு பார்ப்பதாக அவர்களது பெற்றோர்கள் தெரிவித்து வருகிறார்கள். அதனால் இந்த நிகழ்ச்சியை தொகுத்தி வழங்கியவன் என்கிற முறையில் எனக்கு பெரிய சந்தோசம் கிடைத்திருக்கிறது என்கிறார் வீர பிரபாகரன்.

மேலும், அடுத்தபடியாக மலேசியாவில் இருந்து இடம்பெயர்ந்து தமிழகம் வந்து விஜய், வேந்தர் தொலைக்காட்சிகளில் நிகழ்ச்சி தொகுப்பாளராக இடம்பெறப் போகிறாராம். அதோடு, தான் மலேசிய தமிழ் சேனலுக்கு செல்வதற்கு முன்பு, கேப்டன் டிவியில் ஒளிபரப்பான சுதந்திர தினத்திற்கான இசை நிகழ்ச்சி ஒன்றினை முதன்முதலாக தான் இயக்கியதாகவும் கூறும் அவர், தொடர்ந்து நல்ல நிகழ்ச்சிகளை இயக்குவதிலும் ஆர்வம் காட்டப்போகிறாராம்.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  மூத்த நடிகர்களை களமிறக்கும் ஆடுகளம் சீரியல்
• 
  டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி
• 
  புதுவீட்டில் பிறந்தநாள் கொண்டாடிய ரச்சிதா
• 
  12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4
• 
  வருத்தத்தில் ஜாக்குலின்