சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் |
மலேசியாவில் இசையமைப்பாளர் யுவன் சங்கர் ராஜாவின் நேரடி இசை நிகழ்ச்சி வருகிற 15ம்தேதி நடைபெற உள்ளது. 1997ம் ஆண்டு வெளியான அரவிந்தன் படத்திற்கு இசையமைத்ததன் மூலம் தமிழ் சினிமாவுக்கு இசையமைப்பாளராக அறிமுகமானவர் யுவன்சங்கர் ராஜா. மன்மதன், பருத்திவீரன், சென்னை 600 028, சரோஜா, பில்லா, மங்காத்தா உள்ளிட்ட நிறைய படங்களுக்கு இசையமைத்துள்ளார். ஒரு கல் ஒரு கண்ணாடி..., போகாதே போகாதே... போன்ற சூப்பர் ஹிட் பாடல்களையும் பாடியுள்ளார்.
தற்போது வெங்கட்பிரபு இயக்கத்தில் கார்த்தி நடிக்கும் பிரியாணி படத்திற்கு இசையமைத்து வரும் யுவனுக்கு, இது 100வது படமாகும். இதனை கொண்டாடும் வகையில் டிசம்பர் 15ம்தேதி மலேசியா தலைநகர் கோலாலம்பூரில் நேரடி இசை நிகழ்ச்சி ஒன்றை நடத்தவிருக்கிறார் யுவன். இந்த நிகழ்ச்சியில் யுவன், தன்னுடைய குழுவினருடன் சேர்ந்து ரசிகர்களுக்கு நேரடி இசை விருந்து அளிக்கவிருக்கிறார். இந்நிகழ்ச்சிக்காக கோலாலம்பூரில் பிரம்மாண்டமான அரங்கு தயாராகி வருகிறது.
இவ்விழாவில் தனுஷ், கார்த்தி, சிம்பு, ஜீவா, விஷால், ஆர்யா, சினேகா, ஜெயம் ரவி, பிரசன்னா, ஜெய், கிருஷ்ணா உள்ளிட்ட தமிழ் சினிமா நட்சத்திரங்கள் கலந்து கொள்கின்றனர். பல முன்னணி பாடகர்கள் கலந்து கொண்டு யுவனின் இசைக்கு மேலும் வலுசேர்க்கவிருக்கின்றனர். இவ்விழாவில் சிறப்பு விருந்தினராக இசையமைப்பாளரும், யுவனின் அப்பாவுமான இளையராஜா கலந்துகொள்கிறார். இந்நிகழ்ச்சி இசை ரசிகர்களுக்கு ஒரு சிறப்பு விருந்தாக இருக்கும் என எதிர்பார்க்கப்படுகிறது.