மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
தெலுங்குத் திரையுலகத்தின் முன்னணி நடிகர்களில் ஒருவரான ஜுனியர் என்டிஆர், தற்போது 'ஆர்ஆர்ஆர்' படத்தில் நடித்து வருகிறார். இப்படத்திற்குப் பிறகு கொரட்டலா சிவா இயக்க உள்ள படத்தில் நடிக்க உள்ளார். இந்தப் புதிய படத்திற்கு இசையமைப்பாளராக அனிருத் ஒப்பந்தம் செய்யப்படலாம் என தகவல் வெளியாகி உள்ளது.
தெலுங்குத் திரையுலகத்தில் தேவிஸ்ரீபிரசாத், தமன் ஆகிய இருவரைத்தான் தற்போது அதிகம் ஒப்பந்தம் செய்து வருகிறார்கள். கொரட்டலா சிவா கூட தேவிஸ்ரீ பிரசாத்துடன்தான் தொடர்ச்சியாக பணியாற்றி வருகிறார். ஆனால், அவர் தற்போது இயக்கி வரும் 'ஆச்சார்யா' படத்திற்கு மணிசர்மா இசையமைக்கிறார்.
அனிருத் தெலுங்கில் இதுவரை இசையமைத்த 'அஞ்ஞாதவாசி, ஜெர்ஸி, கேங் லீடர்' ஆகிய படங்கள் மூலம் அவருக்குப் பெரிய வெற்றி கிடைக்கவில்லை. ஆனாலும் அவருடைய இசையை தெலுங்கு ரசிகர்கள் வரவேற்றுள்ளார்கள்.
ஜுனியர் என்டிஆர் படத்திற்கு இசையமைக்கும் வாய்ப்பு அனிருத்திற்குக் கிடைத்தால் அவருக்குத் தெலுங்கில் மீண்டும் ஒரு ஓபனிங்கை ஏற்படுத்திக் கொடுக்கும் என்கிறார்கள்.