ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
கடந்த சில மாதங்களுக்கு முன்பு வெளிவந்த படம் 96. விஜய் சேதுபதி, த்ரிஷா நடித்திருந்தார்கள். பிரேம்குமார் இயக்கி இருந்தார். பள்ளியில் படிக்கும்போது காதலித்து பிரிந்தவர்கள், பல ஆண்டுகளுக்கு பிறகு சந்தித்துக் கொள்ளும்போது நடக்கும் நிகழ்வுகளை மையமாக கொண்டு உருவான படம். பலரது மலரும் நினைவுகளை கிளப்பி விட்டதால் படமும் நன்றாக ஓடியது.
இப்போது அதே பாணியில் புதிய படம் ஒன்று உருவாகிறது. பெயரிடப்படாத இந்தப் படத்தில் ஆரி, ஐஸ்வர்யா தத்தா நடிக்கிறார்கள். ஏ.ஜி.மகேஷ் இசை அமைக்கிறார், தில்ராஜ் ஒளிப்பதிவு செய்கிறார். கிரியேட்டிவ் டீம்ஸ் சார்பில் ஆனந்தன், க்ளோஸ்டார் கிரியேஷன் சார்பில் தர்மராஜன் இணைந்து தயாரிக்கிறார்கள். முன்னாள் காதலர்கள் சந்திக்கும்போது வரும் பிரச்சினைகள் தான் படம். அய்யனார் படத்தை இயக்கிய எஸ்.எஸ்.ராஜமித்ரன் இயக்குகிறார்.
படம் பற்றி அவர் கூறியதாவது : காதல் கதை அம்சம் கொண்ட படங்களுக்கு என்றுமே ரசிகர்களிடம் பெரிய வரவேற்பு உண்டு. 60 களில் மதம் காதலுக்கு தடையாக இருந்தது .80களில் ஜாதி தடையாக இருந்தது. 2000-த்தில் அந்தஸ்து காதலுக்கு தடையாக இருந்தது. இன்று காதலே காதலுக்கு தடையாக உள்ளது. இதை பிரதிபலிக்கும் விதமாக எல்லா தரப்பினரையும் கவரும் கதை களம் தான் இப்படம்.
இந்த படத்தில் கடந்து போன காதலையும் பார்க்கலாம் இன்று நடந்து கொண்டிருக்கும் காதலையும் பார்க்கலாம். படப்பிடிப்பு தொடர்ந்து 40 நாட்கள் சென்னையில் நடைபெறுகிறது. இரண்டு பாடல் காட்சிகள் வெளிநாட்டில் படமாக்கப்பட இருக்கிறது. என்றார்.