பிரபல இசையமைப்பாளர் எம்.எஸ்.விஸ்வநாதனின் மனைவி மரணம்!

15 மே, 2012 - 10:05 IST

0 கருத்துகள் கருத்தைப் பதிவு செய்ய

எழுத்தின் அளவு:

உடல்நலக் குறைவால் பாதிக்கப்பட்டு இருந்த தமிழ் திரைப்பட இசையமைப்பாளர் எம்.எஸ்.விஸ்வநாதனின் மனைவி ஜானகி, சிகிச்சை பலனின்றி மருத்துவமனையில் இறந்தார். அவருக்கு வயது, 73. பழம்பெரும் இசையமைப்பாளர், எம்.எஸ்.விஸ்வநாதனின் மனைவி, ஜானகி, இரண்டரை ஆண்டுகளாக, கிட்னி பாதிப்பால் சிகிச்சை பெற்று வந்தார். வீட்டிலிருந்தபடியே சிகிச்சை பெற்று வந்த இவரது உடல்நிலை, இரண்டு மாதங்களுக்கு முன், மிகவும் பாதிக்கப்பட்டதால், சென்னை ராமாபுரத்தில் உள்ள மியாட் மருத்துவமனையில், சிகிச்சைக்கு சேர்க்கப்பட்டார். கணவர் எம்.எஸ்.விஸ்வநாதன் மற்றும் குடும்பத்தினர், அருகிலிருந்து கவனித்துக் கொண்டனர். இசையமைப்பாளர் இளையராஜா உட்பட பல இசையமைப்பாளர்கள், மருத்துவமனைக்கு வந்து நலம் விசாரித்து சென்றனர்.

இந்நிலையில், சிகிச்சை பலனின்றி, நேற்று மாலை, 4.10 மணிக்கு, ஜானகி இறந்தார். இவரது உடல் சென்னை சாந்தோமில் உள்ள வீட்டிற்கு, நேற்று மாலை, 6 மணிக்கு கொண்டு செல்லப்பட்டது. இவரது உடலுக்கு, தென்னிந்திய திரைப்பட இசையமைப்பாளர்கள் சங்கத்தின் சார்பில், மலர் அஞ்சலி செலுத்தப்பட்டது. திரையுலக முக்கியதஸ்கள் பலரும், மலர் அஞ்சலி செலுத்தினர். ஜானகிக்கு, நான்கு மகன்களும், மூன்று மகள்களும் உள்ளனர். இறுதிச் சடங்கு, இன்று, மதியம் 12 மணிக்கு, பெசன்ட் நகர் சுடுகாட்டில் நடக்கிறது. எம்.எஸ்.விஸ்வநாதன் - ஜானகி தம்பதிக்கு, நான்கு மகன்களும், மூன்று மகள்களும் உள்ளனர்.

M.S.Vishwanathan

wife janaki

passess away

எம்.எஸ்.விஸ்வநாதன்

மனைவி ஜானகி

மரணம்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய