விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் |
ரஜினிகாந்த பல ஆண்டுகளாகவே தான் அரசியலுக்கு வரப்போவதாக கூறி வந்தார். கடந்த ஆண்டு டிசம்பர் மாதம் 31ந் தேதி அரசியலுக்கு வருவது உறுதி என்று பொது மேடையில் வெளிப்படையாக அறிவித்தார். அதைத்தொடர்ந்து ரஜினி ரசிகர் மன்றம், ரஜினி மக்கள் மன்றமாக மாற்றப்பட்டது. ஒரு கோடி உறுப்பினர்கள் சேர்க்கப்பட்டார்கள். மாநில, மாவட்ட, கிளை மன்ற நிர்வாகிகள் நியமிக்கப்பட்டார்கள். ரஜினி, மன்ற நிர்வாகிகளை நேரில் அழைத்துப் பேசினார். இதற்கு இடையில் 2 படங்களிலும் நடித்து முடித்து விட்டார்.
கடந்த சில தினங்களுக்கு முன்பு விமான நிலையத்தில் பேட்டி அளித்த ரஜினி, "கட்சி தொடங்க 90 சதவிகித பணிகள் முடிந்து விட்டது" என்றார். வருகிற டிசம்பர் 31ந் தேதிக்கு ரஜினி அறிவித்து ஒரு ஆண்டு நிறைவடையும். அதற்கு மேலும் தாமதித்தால் தொண்டர்கள் சோர்வடைந்து விடுவார்கள் என்று கருதிய ரஜினி, இந்த ஆண்டு இறுதிக்குள்ளாக கட்சி பெயர், கொடியை அறிவித்து விடுவது என்று முடிவு செய்திருப்பதாக கூறப்படுகிறது. தற்போது ரஜினி அதற்கான பணியில் இறங்கி உள்ளார்.
வழக்கமாக வெளியூரில் நீண்ட நாட்கள் படப்பிடிப்புக்கு சென்று விட்டு திரும்பினால் தனது படப்பை பண்ணை வீட்டில் அவர் ஓய்வெடுப்பது வழக்கும். ஆனால் இந்த முறை அப்படிச் செல்லாமல் ராகவேந்திரா கல்யாண மண்படத்திற்கு தினமும் வந்து கட்சி தொடங்குவதற்கான பணிகளை முடுக்கி விட்டு வருகிறார். நேற்று மன்றத்தின் மாநில மற்றும் சென்னை மாவட்ட நிர்வாகிகள், தனது நெருக்கமான நண்பர்களை வரவழைத்து அவர்களுடன் தீவிர ஆலோசனை நடத்தினார். டிசம்பர் 12ம் தேதி ரஜினி பிறந்தநாள் அன்றைய தினம் கட்சி தொடங்குவதற்கான வாய்ப்புகள் அதிகம் இருப்பதாக கூறப்படுகிறது.