Dinamalar

நடிக்கத் தயாராகும் விக்னேஷ் சிவன் ?

நடிகர்கள் இயக்குனர்கள் ஆக மாறுவது குறைவுதான், ஆனால் இயக்குனர்கள் நடிகர்களாக மாறுவது கடந்த சில வருடங்களில் அதிகரித்து வருகிறது. சிலர் கதாநாயகனாகவும், சிலர் குணச்சித்திர நடிகர்களாகவும் மாறி தற்போதும் பிஸியாக இருந்து கொண்டிருக்கிறார்கள். சில இயக்குனர்களிடம் நடிக்க வருவீர்களா என்று கேட்டால் அதெல்லாம் கண்டிப்பாக நடக்காது என்று சொல்வார்கள். ஆனால், சில வருடங்கள் கழித்து அவர்கள் கண்டிப்பாக நடிக்க வந்து விடுவார்கள். அப்படித்தான் ஒரு இயக்குனர் மாறப் போகிறார் போலத் தெரிகிறது.

சிம்பு, வரலட்சுமி நடித்த 'போடா போடி', விஜய் சேதுபதி, நயன்தாரா நடித்த 'நானும் ரௌடிதான்', சூர்யா, கீர்த்தி சுரேஷ் நடித்த 'தானா சேர்ந்த கூட்டம்' படங்களின் இயக்குனர் விக்னேஷ் சிவன் நேற்று நண்பர்கள் தினத்தை முன்னிட்டு அவருடைய சமூக வலைத்தளத்தில் சிலரின் புகைப்படங்களைப் பகிர்ந்து அவர்களைப் பற்றிய கருத்துக்களைத் தெரிவித்திருக்கிறார்.

அதில், நயன்தாராவும் இருக்கிறார் என்பதை சொல்லவும் வேண்டுமா ?. அவரைத் தவிர அனிருத், 'கோலமாவு கோகிலா' பட இயக்குனர் நெல்சன் மாணிக்கம், சிவகார்த்திகேயன், விஜய் சேதுபதி, ஒலிப்பதிவாளர் குணால்ராஜன் ஆகியோர் உள்ளனர். அவர்களுடன் தன்னுடைய புதிய நண்பர் என ஒரு டிரைனரைப் பற்றிக் கூறியுள்ளார்.

தன்னுடைய உடலமைப்பை ஒழுங்காக வைத்துக் கொள்ள வேண்டும் என்ற ஆர்வம் இயக்குனர்களை விட நடிகர்களுக்குத்தான் அதிகம் இருக்கும். விக்னேஷ் சிவன் புதிதாக உடற்பயிற்சிக்காக ஒரு டிரைனரிடம் பயிற்சி பெறுவதைப் பார்த்தால் அவர் விரைவில் நடிக்க வந்துவிடுவார் என்றே தோன்றுகிறது. தன்னுடைய சமூக வலைத்தளத்தில் மறைமுகமாக சில விஷயங்களை உணர்த்துவது விக்னேஷ் சிவன் வழக்கம். அப்படித்தான் நயன்தாராவுடனான அன்பை வெளிப்படுத்தி வருகிறார். அந்த விதத்தில் இந்த டிரைனர் அறிமுகமும், நடிக்கத்தான் என்பதை நாம் புரிந்து கொள்ள வேண்டும்.

அடுத்த கேள்வியாக விக்னேஷ் சிவன் நாயகனாக அறிமுகமாக உள்ள படத்தின் நாயகி நயன்தாராவா என்பதாகத்தான் இருக்கும்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஜூலை மாதத்தில் வெளியாகும் ராயன்
• 
  சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் ...
• 
  மும்பையில் தொடங்கிய குபேராவின் அடுத்தக்கட்ட படப்பிடிப்பு
• 
  அயோத்தி பட இயக்குனரின் அடுத்த பட அப்டேட்
• 
  ரத்னம் படத்திற்கு கட்டப்பஞ்சாயத்து : விஷால் வேதனை