ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
சர்கார் படத்தின் போஸ்டரில் விஜய் புகைப்பிடிப்பது போன்று போஸ் கொடுத்ததற்கு பாமக சார்பில் எதிர்ப்பு தெரிவிக்கப்பட்டது. அதோடு வழக்குகளும் பதிவு செய்யப்பட்டது. இந்த நிலையில், திரைப்படங்களைப்பார்த்து யாரும் தவறு செய்வதில்லை.
சினிமாவை பார்த்து யாரும் கெட்டு விட மாட்டார்கள், விஜய்யை மட்டும் எதிர்ப்பது ஏன் என விஜய்க்கு ஆதரவாக குரல் கொடுத்தார் டி.ராஜேந்தர். அதோடு, இப்படி சொல்பவர்கள் சிகரெட்டையே நிறுத்த வேண்டும் என்று அரசுக்கு எதிராக போராட வேண்டியதானே என்றும் கூறினார்.
இதையடுத்து ஜூங்கா படத்தின் பிரமோஷனில் விஜய் சேதுபதி பேசும்போது, என் அப்பா சிகரெட் பிடிப்பார். ஆனால் நான் புகைப்பிடிக்க மாட்டேன். அதேபோல் பல படங்களில் நடிகர்கள் புகைப்பிடிப்பதை பார்த்திருக்கிறேன். ஆனால் நான் அதை செய்யவில்லையே. அதனால் சினிமாவைப்பார்த்து ரசிகர்கள் கெட்டுப்போவார்கள் என்று செல்வதை ஏற்க முடியாது.
விஜய் மட்டும் தான் படங்களில் சிகரெட் பிடிக்கிறாரா? மற்ற நடிகர்கள் சிகரெட் பிடிக்கவில்லையா? இவர்கள் விளம்பர நோக்கத்திற்காக விஜய்யை எதிர்க்கிறார்கள். சிகரெட் பிடிப்பது உடல்நலத்திற்கு கேடானது. இதனால் மக்கள் பாதிக்கப்படுவார்கள் என்று நினைக்கும் இவர்கள் பீடி, சிகரெட் நிறுவனங்களுக்கு எதிராக போராட வேண்டியதானே என்றும் கேள்வி எழுப்பினார் விஜய் சேதுபதி.