ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
ரஜினி - ரஞ்சித் கூட்டணியில் சமீபத்தில் வெளிவந்த படம் காலா. ரஜினியின் மருமகனான நடிகர் தனுஷ் தயாரித்திருந்தார். இப்படத்திற்கு மாறுப்பட்ட விமர்சனங்கள் வந்தன. ரஜினியின் வழக்கமான படமாக இந்தப்படம் இல்லாதது, தூத்துக்குடி சம்பவம் தொடர்பான சொன்ன கருத்து, ரஞ்சித்தின் தலித் அரசியல் போன்றவை இப்படம் சரியாக போகாததற்கு காரணமாக அமைந்தன.
காலா படம் பலத்தை நஷ்டத்தை தந்திருப்பதாக தொடர்ந்து செய்திகள் வந்த வண்ணம் உள்ளன. சுமார் ரூ.40 முதல் 50 கோடி வரை நஷ்டம் ஏற்பட்டுள்ளதாகவும், விநியோகஸ்தர்கள் சிலருக்கு நஷ்டத்தை செட்டில் செய்ய தனுஷ் முன் வந்திருப்பதாகவும் கூறப்பட்டது.
இந்நிலையில் படம் லாபம் தந்திருப்பதாக தனுஷின் வுண்டர்பார் நிறுவனம் தெரிவித்திருக்கிறது. இந்நிறுவனம் டுவிட்டரில், "காலா படம் எங்களுக்கு நல்ல லாபத்தையும், வெற்றியையும் கொடுத்திருக்கிறது. இதுதொடர்பாக நெகட்டீவ்வாக வரும் செய்திகள் உண்மையில்லை. வுண்டர்பார் நிறுவனத்திற்கு இப்படியொரு வாய்ப்பை தந்த ரஜினிக்கு நன்றி. படத்தை வெற்றிப்படமாக்கிய ரசிகர்களுக்கும் நன்றி" என பதிவிட்டிருக்கிறது.