Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

பல மாற்றங்களுடன் 'பிக் பாஸ் சீசன் 2', விரைவில்...

21 மே, 2018 - 16:44 IST
எழுத்தின் அளவு:
Lot-of-changes-in-Bigboss-2

தமிழ்த் தொலைக்காட்சி வரலாற்றில் பிரம்மாண்டமான நிகழ்ச்சி என்று சொல்லுமளவிற்கு கடந்த ஆண்டு விஜய் டிவியில் ஒளிபரப்பான 'பிக் பாஸ்' நிகழ்ச்சி அமைந்தது. நடிகர் கமல்ஹாசன் அந்த நிகழ்ச்சியைத் தொகுத்து வழங்கியதால் நிகழ்ச்சியைப் பலரும் கண்டு ரசித்தனர். அடுத்தவர் வீட்டில் என்ன நடக்கிறது என்பதைத் தெரிந்து கொள்ளும் ஆர்வம் நம் அனைவருக்குமே உண்டு. அதுவே இந்த நிகழ்ச்சி அதிக வரவேற்பைப் பெற்றதற்குக் காரணமாகவும் அமைந்தது.

'பிக் பாஸ்' முதல் சீசனில் 15 பிரபலங்கள், ஒரே வீட்டில் 100 நாட்கள் தங்கப் போவதாக நிகழ்ச்சி ஆரம்பமானது. 30 கேமராக்கள் அவர்களைப் படம் பிடித்தன. ஆனால், நிகழ்ச்சி ஆரம்பமான நான்காவது நாளிலேயே நடிகர் ஸ்ரீ, தன்னால் வீட்டில் இருக்க முடியவில்லை என்று வெளியேறினார். அதே போல நடிகை ஓவியா 41வது நாளில் மற்றவர்களுடன் ஏற்பட்ட பிரச்சினை காரணமாக வீட்டை விட்டு வெளியேறினார்.

நிகழ்ச்சியில் 'வைல்ட் கார்டு' நுழைவு என நடிகைகள் பிந்து மாதவி, சுஜா வருணி, காஜல் பசுபதி, நடிகர் ஹரிஷ் கல்யாண் ஆகியோர் நுழைந்தார்கள். இறுதியில் ஆரவ் என்ற மாடல் பிக் பாஸ் முதல் சீசனின் முதல் வெற்றியாளர் ஆனார்.

கடந்த வருடம் ஜுன் 25ல் ஆரம்பமான நிகழ்ச்சி செப்டம்பர் 30 வரை நீடித்தது. இப்போது 'பிக் பாஸ் சீசன் 2'விற்கான வேலைகள் ஆரம்பமாகிவிட்டன. ஜுன் மாதம் இந்த இரண்டாவது சீசன் ஆரம்பமாகும் எனத் தெரிகிறது.

இதற்காக கமல்ஹாசன் பங்கேற்ற புரோமோ நேற்று இரவு முதல் ஒளிபரப்ப ஆரம்பித்தது. யு டியூபில் மட்டும் 8 லட்சம் பார்வைகளைக் கடந்துள்ளது. இந்த இரண்டாவது சீசனிலும் 15 பிரபலங்கள் பங்கேற்க உள்ளதாகவும் அவர்கள் 60 கேமராக்கள் படம் பிடிக்க உள்ளதாகவும் புரோமோவில் கமல்ஹாசன் தெரிவித்துள்ளார். ஆனால், எத்தனை நாட்கள் தங்கப் போகிறார்கள் என்பதைக் குறிப்பிடவில்லை. முதல் சீசனில் 30 கேமராக்கள் மட்டுமே பயன்படுத்தப்பட்டன, இந்த சீசனில் கூடுதலாக 30 கேமராக்கள்.

இந்த சீசன் 2 வில் சில மாற்றங்கள் இருக்கும் எனத் தெரிகிறது. பூந்தமல்லியில் உள்ள அதே தனியார் ஸ்டுடியோவில் புதுப் பொலிவுடன் பிக் பாஸ் வீட்டை நிர்மாணிக்கும் வேலைகள் நடந்து வருகிறதாம். முதல் சீசன் வீட்டை விட இரண்டாவது சீசன் வீடு மிகவும் பிரம்மாண்டமாக உருவாக்கப்பட்டுள்ளதாம்.

வீட்டில் மட்டும் மாற்றமில்லை, நிகழ்ச்சியிலும் நிறைய மாற்றங்கள் இடம் பெற இருக்கிறதாம். இந்த சீசனில் யார் யாரெல்லாம் கலந்து கொள்ளப் போகிறார்கள் என்பது குறித்து இப்போதே சமூக வலைத்தளங்களில் ஒரு பட்டியல் ஓடிக் கொண்டிருக்கிறது. ஆனால், விஜய் டிவி தரப்பில் அதை ரகசியமாகவே வைத்திருக்கிறார்கள். ஆனாலும், இந்த முறை பல பிரபலங்கள் கலந்து கொள்ள ஆவலாக இருக்கிறார்கள் என்று மட்டும் தெரிகிறது. போன சீசனில் கலந்து கொண்ட பலர் பிரபலம் ஆகிவிட்டார்கள் என்பதே அதற்குக் காரணம்.

ஜுன் 16 முதல் 'பிக் பாஸ் சீசன் 2' ஒளிபரப்பாக உள்ளது.

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் மகளையே கேவலப்படுத்துறாங்க : சின்மயி மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in