கோலிசோடா 2-வில் வில்லன் இல்லை : விஜய் மில்டன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கோலிசோடா 2-வில் வில்லன் இல்லை : விஜய் மில்டன்

11 மே, 2018 - 13:47 IST

எழுத்தின் அளவு:

கோலிசோடா படத்தை இயக்கிய விஜய் மில்டன், தற்போது அதன் இரண்டாம் பாகத்தை இயக்கி முடித்துள்ளார். "கோலிசோடா தங்களுக்கு முகவரி தேடும் சிறுவர்களின் கதை என்றால் இது இளைஞர்கள் தங்களுக்கு கிடைத்த முகவரியை தக்க வைக்க நடத்துகிற போராட்டம்" என்கிறார் விஜய் மில்டன். அவர் மேலும் கூறியதாவது:

இது கோலிசோடா கதையின் தொடர்ச்சி அல்ல. ஆனால் கதை ஒன்று தான். அதில் எங்கிருந்தோ வந்து ஒன்றாக இணைந்து சிறுவர்கள் தங்களுக்கான முகவரிக்காக போராடினார்கள். இதில் தங்களுக்கென்று முகவரி ஏற்படுத்திக் கொண்டவர்கள் அதை தக்க வைக்கவும், அடுத்தகட்டத்துக்கு செல்லவும் போராடுகிற கதை.

எனது தம்பி பரத் சீனு, சுபிக்ஷா, ரேகா, ரோகினி, சமுத்திரகனி, கவுதம் வாசுதேவ் மேனன் உள்பட பலர் நடித்திருக்கிறார்கள். நானே ஒளிப்பதிவு செய்திருக்கிறேன். இளையராஜாவின் உதவியாளர் அச்சு இசை அமைத்திருக்கிறார்.

கோலிசோடாவில் ஏடிஎம் என்று ஒரு கேரக்டர் இருக்கும். அந்த கேரக்டர் போன்ற ஒரு கீ கேரக்டரில் சமுத்திரகனி நடித்திருக்கிறார். படத்தில் நடக்கும் எல்லா சம்பவத்திற்கும் அவர் தான் காரணமாக இருப்பார். கவுதம் மேனன் கண்டிப்பான போலீஸ் அதிகாரியாக நடித்துள்ளார்.

கோலிசோடாவில் நாயுடு என்ற தனி வில்லன் இருந்தார். இதில் அப்படி யாரும் கிடையாது. அடுத்தவன் முன்னேறகூடாது என்று நினைக்கிற அத்தனை பேரும் வில்லன் தான். எளியவர்களை வாழ விடாத இந்த சமூகம் தான் படத்தின் வில்லன். என்கிறார் விஜய் மில்டன்.

golisoda2

vijaymilton

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய