நீட் : மாணவர்களுக்கு உதவ விஷாலும் முன் வந்தார்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

05 மே, 2018 - 12:28 IST

எழுத்தின் அளவு:

இந்தியா முழுவதும் மருத்துவ படிப்புகளுக்கான நீட் நுழைவுத் தேர்வு நாளை நடக்கிறது. தமிழ்நாட்டில் இதற்கான மையங்கள் அமைக்கப்பட்டிருந்தபோதும், தமிழ்நாட்டு மாணவர்கள் பலருக்கு கேரளா, ராஜஸ்தான், சிக்கிம் உள்ளிட்ட மாநிலங்களில் மையம் ஒதுக்கப்பட்டுள்ளது. இந்த இடங்களுக்கு செல்ல ரெயில்களில் டிக்கெட் இல்லை. பஸ்களில் செல்ல முடியாது. ஒரே வழி விமானம் தான். ஆனால் அதற்கு ஆயிரக் கணக்கில் செலவாகும். எல்லா மாணவர்களுக்கும் அந்த சக்தி இல்லை.

இதனால் பல அமைப்புகள் இந்த மாணவர்களுக்கு உதவ முன் வந்தன. அவர்களுடன் பல திரைப்பட நட்சத்திரங்களும் முன் வந்தனர். நடிகர் பிரசன்னா "நீட் தேர்வுக்கு வெளி மாநிலம் செல்லும் 2 மாணவர்களின் விமான கட்டணத்தை ஏற்க தயார்" என்று முதலில் அறிவித்தார்.

அவரைத் தொடர்ந்து நடிகர் அருள்நிதி 20 மாணவர்களின் விமான கட்டணத்தை ஏற்பதாக அறிவித்தார். அதன் பிறகு இயக்குனர் வெங்கட் பிரபு தன்னை தொடர்பு கொள்பவர்களுக்கு உதவுவதாக அறிவித்தார்.

நடிகர் விஷால் எந்த மாணவர் வேண்டுமானாலும் என்னை நேரடியாக தொடர்பு கொண்டு எந்த உதவி வேண்டுமானாலும் பெற்றுக் கொள்ளலாம் என்று அறிவித்து தனது டெலிபோன் நம்பரையும் வெளியிட்டார்.

"நீட் தேர்வு விஷயத்தில் தமிழக மாணவர்களுக்கு மீண்டும் அநீதி இழைக்கப்பட்டிருக்கிறது. வருங்கால சமூகத்திற்கு சேவை செய்வதற்காக வெளிமாநிலங்களுக்கு சென்று தேர்வு எழுதும் தம்பி, தங்கைகளுக்கு உதவுவது என் கடமை. அவர்களுக்கு உதவி கரம் கொடுக்க நான் எப்போதும் தயாராக இருக்கிறேன். என்னை உங்கள் சகோதரனாக நினைத்து தொடர்பு கொள்ளலாம். எனது தொடர்பு எண் "97104 44442" என விஷால் தனது டுவிட்டரில் தெரிவித்திருக்கிறார்.

vishal

NEET

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய