Dinamalar

ஜி.வி.பிரகாஷ் கதாநாயகனாக நடிக்கும் 3டி படம்

ஜி.வி.பிரகாஷ் கதாநாயகனாக நடித்த 'த்ரிஷா இல்லனா நயன்தாரா' படத்தை இயக்கிய ஆதிக் ரவிச்சந்திரன், அப்படத்தின் வணிக வெற்றியைத் தொடர்ந்து சிம்பு நடித்த 'அன்பானவன் அசராதவன் அடங்காதவன்' படத்தை இயக்கினார்.

அந்தப் படம் படுதோல்வி அடைந்தது மட்டுமல்ல, ஆதிக் ரவிச்சந்திரனின் எதிர்காலத்தையும் காலி பண்ணிவிட்டது. இதனால் படம் இயக்கும் வாய்ப்பு இல்லாமல் மன உளைச்சலில் இருந்தார். இந்நிலையில் அவரை அழைத்து பட வாய்ப்பு கொடுத்தார் ஜி.வி.பிரகாஷ்.

3டி படமாக உருவாகி வரும் இந்த படத்தில் தனுஷுடன் 'அநேகன்' படத்தில் கதாநாயகியாக நடித்த அமீரா தஸ்தர் ஜி.வி.பிரகாஷுக்கு ஜோடியாக நடிக்கிறார்.

இரண்டு கட்ட படப்பிடிப்பு முடிவடைந்துவிட்ட இப்படத்தில் இப்போது சஞ்சிதா ஷெட்டி, சோனியா அகர்வால் என மேலும் இரண்டு கதாநாயகிகள் இணைந்துள்ளனர்.

இவர்களுடன் ஆனந்தராஜ், விடிவி கணேஷ், யோகி பாபு ஆகியோரும் நடிக்கின்றனர்.

'கவண்” படத்திற்கு ஒளிப்பதிவு செய்த அபிநந்தன் இப்படத்திற்கு ஒளிப்பதிவு செய்து வருகிறார். ஜி.வி.பிரகாஷ் இசை அமைக்கிறார். சுந்தர் சி இயக்கிய 'அரண்மனை' படத்தை தயாரித்தவர்களில் ஒருவரான தினேஷ் கார்த்திக் இந்த படத்தை தயாரிக்கிறார். ஃபாண்டசி லவ் ஸ்டோரியாக உருவாகும் இந்த 3டி படத்தில் '2.0' படத்தில் பணிபுரியும் 3டி தொழில்நுட்ப கலைஞர்கள் சிலர் பணியாற்றுகிறார்கள். ஊட்டியில் நடந்த படப்பிடிப்பை தொடர்ந்து அடுத்து சென்னை மற்றும் காரைக்குடியில் இப்படத்தின் படப்பிடிப்புகள் நடக்கவிருக்கிறது.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஜூலை மாதத்தில் வெளியாகும் ராயன்
• 
  சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் ...
• 
  மும்பையில் தொடங்கிய குபேராவின் அடுத்தக்கட்ட படப்பிடிப்பு
• 
  அயோத்தி பட இயக்குனரின் அடுத்த பட அப்டேட்
• 
  ரத்னம் படத்திற்கு கட்டப்பஞ்சாயத்து : விஷால் வேதனை