அதிகத்தூர் கிராமத்தை தத்தெடுத்த மக்கள் நீதி மையம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

01 மே, 2018 - 12:10 IST

எழுத்தின் அளவு:

திருவள்ளூர் மாவட்டம், அதிகத்தூர் கிராமத்தை மக்கள் நீதி மையம் தத்தெடுக்க உள்ளது. அங்கு மே தினத்தை முன்னிட்டு கிராமசபை கூட்டம் நடந்தது. இந்த கூட்டத்தில் கமல் பேசியதாவது:

எங்களுக்கு ஓட்டுப்போட வேண்டும் என்பதற்காக, கிராமங்களை தத்தெடுக்கவில்லை. மக்களின் வாழ்வாதாரம் மேம்பட மக்கள் நீதி மையம் பாடுபடும். வெற்றி பெற முடியும் என நினைக்கும் பாதையில் நாங்கள் பயணிக்கிறோம். 12 ஆயிரம் கிராமங்களை தத்தெடுக்க முடியாது. 8 கிராமங்களை தத்தெடுக்கிறோம். மக்களின் ஆதரவு இருந்தால், 12 ஆயிரம் கிராமங்களை தத்தெடுக்க முடியும்.

கழிப்பறை சுத்தம் செய்வேன்

நான் உங்களில் ஒருவனாக வந்திருக்கின்றேன். இன்றிலிருந்து இது எங்களது கிராமம். அதிகத்தூரில் 100 கழிப்பறைகள் கட்டித்தரப்படும். அதிகத்தூரில் நீர் சேகரிக்கும் வழிகள் ஏற்படுத்தி தரப்படும். கழிப்பறைகளை தூய்மையாக வைத்து கொள்வது நமது பொறுப்பு. கழிப்பறை கட்டி முடித்த 2வது நாள் வந்து, அதனை சுத்தமாக வைத்து கொள்வது குறித்து நானே உதவி செய்வேன்

அதிகத்தூர் பகுதி மாணவர்கள், இளைஞர்கள் திறமைகளை வளர்த்துக் கொள்ள பயிற்சி பட்டறைகள் நடத்தப்படும். ஏரிகள் புணரமைக்கப்பட்டு, சிறிய அணைகள் மற்றும் மடைகள் அதிகத்தூரில் உருவாக்கப்படும். இந்த கிராமத்திற்கு தேவையான அனைத்தையும் இனி நாங்கள் செய்து தருகிறோம். அதிகத்தூர் கிராம பள்ளியில் கூடுதல் கட்டடங்கள், கழிப்பறைகள் கட்டித்தரப்படும்.

கடமை

எது முடியுமோ அதனை நாங்கள் செய்வோம். செய்ய முடியாததை, செய்வது குறித்து உங்களிடம் ஆலோசனை கேட்போம். இன்னும் நிறைய ஊர்களுக்கு அதை செய்ய வேண்டும் என்பது எங்களது ஆசை. மற்ற கிராமங்கள் வரை, எங்களை கொண்டு சேர்ப்பது உங்களது கடமை.

kamal

ikamalhaasan

maiamofficial

MakkalNeedhiMaiam

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய