என்டிஆர் பற்றிய படத்தில் எம்ஜிஆர்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'என்டிஆர்' பற்றிய படத்தில் எம்ஜிஆர்

29 மார், 2018 - 02:01 IST

எழுத்தின் அளவு:

தெலுங்குத் திரையுலகத்தின் தனித்துவமான நடிகரும், ஆந்திராவின் முன்னாள் முதல்வருமான மறைந்த என்டிஆர் பற்றிய வாழ்க்கை வரலாற்றுப் படத்தை அவருடைய மகன் பாலகிருஷ்ணா தயாரித்து, என்டிஆர் ஆகவும் நடிக்கிறார். இப்படத்தின் துவக்க விழா, இன்று ஐதராபாத்தில் நடைபெற்றது. துணை ஜனாதிபதி வெங்கையா நாயுடு கலந்து கொண்டு படத்தைத் துவக்கி வைத்தார்.

படத்தில் இடம் பெறும் படப்பிடிப்பு ஒன்றை எம்ஜிஆர் கிளாப் அடித்து துவக்கி வைப்பது போன்ற காட்சி இன்றைய துவக்க விழாவில் படமாக்கப்பட்டது. அதில் எம்ஜிஆர் ஆக நடிப்பவரின் தோற்றம் கிட்டத்தட்ட எம்ஜிஆர் போலவே உள்ளது. படத்தில் ஓரிரு காட்சிகளில் மட்டும் எம்ஜிஆர் வருவாரா என்பது இனிமேல்தான் தெரிய வரும்.

படத்தை எவ்வளவு சீக்கிரம் எடுக்க முடியுமோ அவ்வளவு சீக்கிரத்தில் எடுத்து முடித்து வரும் தசரா பண்டிகை சமயத்தில் வெளியிட திட்டமிட்டுள்ளார்களாம். படத்தில் என்டிஆர் பற்றி மக்களுக்குத் தெரியாத சில விஷயங்களையும் இணைக்க உள்ளதாகத் தகவல் வெளியாகியுள்ளது.

தெலுங்கு, ஹிந்தியில் உருவாக உள்ள இந்தப் படத்தை பின்னர் தமிழ் உள்ளிட்ட பிற மொழிகளிலும் டப்பிங் செய்து வெளியிட உள்ளதாக படக்குழுவினர் தெரிவித்துள்ளார்கள்.

NTR

NTRBiopic

MGR

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய