ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
கௌதம் கார்த்திக் நடித்த 'இவன் தந்திரன்' படத்தை கடந்த ஆண்டு ஜூன் மாதம் வெளியிட்டார் தயாரிப்பாளரும், இயக்குநருமான ஆர்.கண்ணன். இவன் தந்திரன் ரிலீஸ் செய்யப்பட்ட நான்காவது நாளே ஸ்டிரைக் அறிவிக்கப்பட்டது. அதனால் கண்ணனுக்கு சில கோடி நஷ்டம் ஏற்பட்டது.
இவன் தந்திரன் படத்தைத் தொடர்ந்து ஆர்.கண்ணன் இயக்கி தயாரித்து வரும் படம் 'பூமராங்'. அதர்வா ஹீரோவாக நடிக்கும் இந்த படத்தில், மேகா ஆகாஷ், உபன் பட்டேல், 'மேயாத மான்' படப் புகழ் இந்துஜா ஆகியோர் நடித்து வருகிறார்கள்.
இந்த படத்தின் படப்பிடிப்பு 95 சதவிகிதம் முடிவடைந்த நிலையில் இன்னும் 15 நாட்கள் மட்டுமே படப்பிடிப்பு பாக்கியுள்ளது. இந்நிலையில் மார்ச் 16 முதல் படப்பிடிப்பு நடத்தக்கூடாது என்று தயாரிப்பாளர்கள் சங்கம் அறிவித்துள்ளது. இதனால் கடும் அதிர்ச்சியடைந்திருக்கிறார் ஆர்.கண்ணன்.
15 நாட்களில் படத்தை முடித்துவிட திட்டமிட்ட கண்ணன் தற்போது ஸ்டிரைக் அறிவிக்கப்பட்டதால் அதர்வாவின் கால்ஷீட் மறுபடியும் கிடைக்க 3 மாதங்களாகும் என்று தெரிவித்ததோடு, தனக்கு விதிவிலக்கு கொடுக்க வேண்டும் என்று கேட்டார். அதற்கு தயாரிப்பாளர்கள் சங்கம் உடன்படவில்லை.
எனவே தயாரிப்பாளர் சங்கத்தினால் மீண்டும் நஷ்டத்தை சந்திக்கும் நிலைக்குத் தள்ளப்பட்டிருக்கிறார் ஆர்.கண்ணன்.